पुणे : पुण्यात कधी काय होईल याचा नेम नसतो. पुणे तिथं काय उणे याची प्रचिती पुन्हा एकदा आली आहे. पुण्यातील खडक पोलीस स्टेशन इथे सेवेत रुजू असलेल्या एका पोलीस कर्मचाऱ्याने चक्क सुट्टीसाठी वरिष्ठ पोलिसांना हटके स्टाईलने अर्ज केला आहे. या अर्जाची सध्या जोरदार चर्चा सुरू आहे.
आपल्या सहकाऱ्याला चिलापी आणि रव मासे घेऊन यायचे कारण देत २ दिवस सुट्टी द्या, असं या पत्रात या पोलीस कर्मचाऱ्याने नमूद केलं आहे. या पोलीस कर्मचाऱ्याने दिलेल्या या पत्राची सर्वत्र चर्चा होऊ लागली आहे. मित्राला मासे घेऊन यायचे आहेत म्हणून सुट्टी मागिल्याने सगळ्यांनाच हे गमतीशीर वाटलं. आयुक्तांचा ‘बेस्ट’ निर्णय; मुंबई पोलिसांना थेट मिळणार ५,२०० रुपये
काय लिहिलं आहे पत्रात ?
उपरोक्त विषयान्वये सविनय सादर की माझी साप्ताहीक सुट्टी दिनांक २९/०५/२०२२ रोजी असून माझे मुळ गावी मु पो वाशींचे जि. सोलापुर येथून खडक पो स्टेचे माझे सहकारी यांचेसाठी चिलापी व रव मासे घेवून येणे असल्याने मला दिनांक २९/०५/२०२२ रोजीची साप्ताहीक सुट्टी जोडून दिनांक ३०/०५/२०२२ रोजीची एक दिवस किरकोळ रजा मुख्यालय सोडण्याचे परवानगीसह मिळण्यास विनंती आहे.
आयुक्तांचा ‘बेस्ट’ निर्णय; मुंबई पोलिसांना थेट मिळणार ५,२०० रुपये
Weather Alert : राज्यात २४ तासांत मुसळधार पावसाची शक्यता, ‘या’ भागांना हवामान खात्याचा इशारा
