Rajyasabha Election 2022 | राज्यसभा निवडणुकीचा अर्ज मागे घेण्याचा आजचा शेवटचा दिवस आहे. त्यामुळे कोणत्याही उमेदवाराने अर्ज मागे घेतल्यास ही निवडणूक बिनविरोध होईल. त्यानुसार महाविकास आघाडीचे मंत्री शुक्रवारी विरोधी पक्षनेते देवेंद्र फडणवीस यांची भेट घेणार असल्याचे सांगितले जाते. याबाबत अद्याप कोणतीही अधिकृत माहिती पुढे आलेली नाही. राज्यसभा निवडणुकीचा अर्ज मागे घेण्यासाठी आज दुपारपर्यंतची मुदत आहेत
हायलाइट्स:
- महाविकास आघाडीकडून अचानकपणे ही निवडणूक बिनविरोध करण्याच्या हालचाली सुरु
- राज्यसभा निवडणुकीचा अर्ज मागे घेण्याचा आजचा शेवटचा दिवस आहे
- कोणत्याही उमेदवाराने अर्ज मागे घेतल्यास ही निवडणूक बिनविरोध होईल
राज्यसभा निवडणुकीचा अर्ज मागे घेण्याचा आजचा शेवटचा दिवस आहे. त्यामुळे कोणत्याही उमेदवाराने अर्ज मागे घेतल्यास ही निवडणूक बिनविरोध होईल. त्यानुसार महाविकास आघाडीचे मंत्री शुक्रवारी विरोधी पक्षनेते देवेंद्र फडणवीस यांची भेट घेणार असल्याचे सांगितले जाते. याबाबत अद्याप कोणतीही अधिकृत माहिती पुढे आलेली नाही. मात्र, राज्यसभा निवडणुकीचा अर्ज मागे घेण्यासाठी आज दुपारपर्यंतची मुदत आहेत. त्यापूर्वी मविआ नेत्यांचे शिष्टमंडळ देवेंद्र फडणवीस यांना भेटणार का, हे पाहावे लागेल. तसेच देवेंद्र फडणवीस मविआच्या विनंतीला मान देऊन धनंजय महाडिक यांना माघार घ्यायला लावणार का, हेदेखील पाहावे लागेल.
११ छोटे पक्ष, १६ आमदार; पण फडणवीसांचा खेळ ११ आमदार बिघडवणार?या सगळ्याच्यानिमित्ताने देवेंद्र फडणवीस विधान परिषद निवडणुकीच्या अनुषंगाने महाविकास आघाडीसमोर कोणता प्रस्ताव ठेवतात का, हेदेखील पहावे लागेल. येत्या २० जून रोजी विधान परिषदेच्या १० जागांसाठी निवडणूक होत आहे. या निवडणुकीत चार जागांवर भाजपचे उमेदवार सहजपणे निवडून येतील. मात्र, भाजप पाचव्या जागेवरही उमेदवार रिंगणात उतरवेल, अशी चर्चा आहे. तसे झाल्यास काँग्रेसचा एक उमेदवार निवडून येण्यात अडचण निर्माण होईल. भाजपने राज्यसभा निवडणुकीत माघार घेतल्यास विधान परिषदेतील पाचव्या जागेवर भाजपचा उमेदवार बिनविरोध निवडून यावा, असे प्रयत्न सुरु आहेत. याबाबत आज फडणवीस आणि महाविकास आघाडीच्या नेत्यांमध्ये काही चर्चा होते का, हे पाहावे लागेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : rajyasabha election 2022 mahaviaks aghadi may meet devendra fadnavis to take back nomination of dhananjay mahadik
Marathi News from Maharashtra Times, TIL Network
Marathi News from Maharashtra Times, TIL Network
