Rajya Sabha Election 2022 | राज्यसभा निवडणुकीचा अर्ज मागे घेण्याचा आजचा शेवटचा दिवस आहे. त्यामुळे कोणत्याही उमेदवाराने अर्ज मागे घेतल्यास ही निवडणूक बिनविरोध होईल. त्यामुळे मविआ नेते आणि देवेंद्र फडणवीस यांची बैठक अत्यंत महत्त्वाची मानली जात होती. देवेंद्र फडणवीस मविआच्या विनंतीला मान देऊन धनंजय महाडिक यांना माघार घ्यायला लावणार का, हेदेखील पाहावे लागेल.
हायलाइट्स:
- महाविकास आघाडीकडे उरलेल्या मतांची संख्या जास्त आहे
- राज्यसभा निवडणुकीत आमच्या उमेदवाराला संधी द्या
- भाजपच्या उमदेवाराने राज्यसभा निवडणुकीतून माघार घ्यावी
देवेंद्र फडणवीस यांची भेट घेतल्यानंतर महाविकास आघाडीच्या शिष्टमंडळाने पत्रकार परिषद घेतली. यावेळी छगन भुजबळ (chhagan bhujbal) यांनी प्रसारमाध्यमांशी संवाद साधला. त्यांनी म्हटले की, महाविकास आघाडीकडे उरलेल्या मतांची संख्या जास्त आहे. त्यामुळे राज्यसभा निवडणुकीत आमच्या उमेदवाराला संधी द्या, असे आम्ही फडणवीस यांना सांगितले. त्यासाठी भाजपच्या उमदेवाराने राज्यसभा निवडणुकीतून माघार घ्यावी, त्याची भरपाई आम्ही विधान परिषदेला करू, असे आम्ही त्यांना सांगितले. तेव्हा देवेंद्र फडणवीस यांनी म्हटलं, ‘आपण हीच गोष्ट उलटी करू’. याचा अर्थ राज्यसभेच्या निवडणुकीतून शिवसेनेने माघार घ्यावी आणि विधान परिषदेत भाजप पाचवी जागा लढवणार नाही. मात्र, आजची एकूम चर्चा चांगली आणि हसतखेळत झाली. आता तीन वाजेपर्यंत अर्ज माघारी घेण्याची मुदत आहे. आम्ही शेवटपर्यंत वाट पाहू, असे छगन भुजबळ यांनी सांगितले.
भाजप-मविआच्या बैठकीनंतर संजय राऊतांचा सूर बदलला; म्हणाले, ‘देवेंद्र फडणवीस मॅच्युअर्ड नेते’महाविकास आघाडीने राज्यसभा निवडणूक बिनविरोध करण्यासाठी भाजपची मदत का मागितली, असा प्रश्न यावेळी भुजबळ यांना विचारण्यात आला. यावर भुजबळ यांनी म्हटले की, महाराष्ट्रात राज्यसभा आणि विधान परिषद निवडणुका बिनविरोध होण्याची प्रथा आहे. कोणीतरी पुढाकार घेतल्याशिवाय चर्चा शक्य नव्हती. आता आम्ही देवेंद्र फडणवीसांच्या प्रस्तावाबाबत आमच्या पक्षाच्या नेत्यांशीही चर्चा करू. आम्ही राज्यसभा निवडणूक बिनविरोध होण्यासाठी शेवटपर्यंत प्रयत्न करू, असे भुजबळ यांनी सांगितले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
shivsena sanjay pawar rajya sabha election 2022 mahaviaks aghadi dhananjay mahadik devendra fadnavis chhagan bhujbal bjp
Web Title : rajya sabha election 2022 conversation between maha vikas aghadi and devendra fadnavis
Marathi News from Maharashtra Times, TIL Network
Marathi News from Maharashtra Times, TIL Network
