मजुरी करणाऱ्या महिलेच्या दीड वर्षीय मुलीचं अपहरण झालं होतं. पोलिसांनी अवघ्या काही तासांत चिमुरडीला शोधलं. लेक पुन्हा कुशीत विसावताच आईच्या डोळ्यात आनंदाश्रू तरळले. कृतज्ञतेच्या भावनेनं तिनं पोलिसांचे पाय धरले, आभार मानले.

 

nashik police find out girl
अपहरण झालेल्या मुलीला पोलिसांनी शोधलं; आईच्या ताब्यात दिलं

हायलाइट्स:

  • हरवलेली लेक सापडताच आईला अश्रू अनावर
  • लेक पुन्हा कुशीत येताच आई आनंदली
  • पोलिसांच्या पाया पडून कृतज्ञता व्यक्त
नाशिक: आपली मुलगी काही तासांतच अनपेक्षितपणे परत कुशीत विसावताच एका आईला अश्रू अनावर झाले. हे घडलंय नाशिकच्या अंबड पोलीस ठाण्याच्या आवारात. अंबड पोलीस ठाण्याच्या हद्दीत दीड वर्षाच्या मुलीचे अपहरण झाले होते. काही तासांतच संशयिताला अंबड पोलिसांनी अटक करून अपहृत मुलीला तिच्या आईच्या स्वाधीन केलं. आपली मुलगी काही तासांतच अनपेक्षितपणे परत कुशीत विसावताच आईचा अश्रूंचा बांध फुटला होता. अंबड पोलिसांच्या या दमदार कामगिरीबद्दल अनेकांनी कौतुकाचा वर्षाव केला.

मजुरी करणाऱ्या अनिताकुमारी भारती या कामावर गेल्या असताना त्यांची दीड वर्षीय मुलगी सुमियाचे अपहरण झाले होते. याप्रकरणी अंबड पोलीस ठाण्यात गुन्हा दाखल करण्यात आला होता. यावरून अपहृत मुलीचा तपास करत असतांना अंबड पोलिसांच्या पथकाने सापळा रचत संशयिताला अटक केली आणि त्याने ज्या ठिकाणी दीड वर्षाच्या मुलीला ठेवले होते तेथून तिची सुखरूप सुटका केलीय. या मुलीला तिच्या पालकांच्या स्वाधीन करण्यात आले. संशयिताने दीड वर्षाच्या मुलीचे अपहरण करण्यामागे नेमके कारण काय व त्याचे इतर साथीदार आहेत का? याचा आता पोलीस शोध घेत आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : nashik police find out missing girl in just few hours reunites with mother
Marathi News from Maharashtra Times, TIL Network

LEAVE A REPLY

Please enter your comment!
Please enter your name here