धुळे : जिल्हा पोलिसांनी कारवायांचा धडाका सुरू ठेवला आहे. आज धुळे पोलिसांनी चार ठिकाणी मोठ्या कारवाया केल्या असून दोन टोळ्यांच्या मुसक्या आवळण्यात धुळे पोलिसांना यश आले आहे. एका टोळीकडून शेतात पुरलेली ९ लाखांची दारू जप्त केली आहे. तर दुसर्‍या टोळीकडून शेतातील विद्युत मोटारी जप्त करण्यात आले आहे. तसेच एका आरोपीकडून चार तलवारी देखील हस्तगत करण्यात आले आहे. दोन टोळ्यातील नऊ आरोपींविरोधात धुळे पोलिसांनी गुन्हे दाखल केले आहे.

तब्बल ९ लाखांची दारू जप्त…

महात्मा ज्योतिबा फुले नगर साक्री रोड धुळे येथील विशाल विनायक वाघ आणि शिवपाडा नंदवण तालुका साक्री येथील अतुल आत्माराम देसले यांनी पंजाब मधील सुलतान नावाच्या व्यक्तीकडून मोठ्या प्रमाणात दारूची आयात करून ती दारू अतुल देसले याच्या शिव पाडा शिवारातील शेतात लपवून ठेवली होती. त्यातील काही दारू विशाल वाघ आणि अतुल देसले गुजरात मध्ये विक्री करण्यासाठी जात असताना आनंद जिल्ह्यातील तारापूर पोलिसांनी त्यांना अटक केली.

औरंगाबादचं ‘संभाजीनगर’ आणि उस्मानाबादचं ‘धाराशिव’ करण्याची प्रक्रिया पूर्ण : चंद्रकांत खैरे
दोघांच्या अटकेनंतर अतुल यांच्या शेतातील उर्वरित दारू चिंतामण मालचे यांनी तेथून काढून आपल्या स्वतःच्या शेतात लपून ठेवली होती. याबाबतची माहिती धुळे स्थानिक गुन्हे शाखेचे पोलीस निरीक्षक हेमंत पाटील यांना मिळाल्यानंतर त्यांनी घटनास्थळी धाड टाकून चिंतामण मालचे यांच्या शेतातील दारू जप्त केली. मात्र, चिंतामण मालचे हा तिथून पसार झाला. त्याच्या शेताची पाहणी केली असता कांद्याच्या धिगाऱ्याखाली ८ लाख ८१ हजार चाळीस रुपये किमतीची दारू पोलिसांनी हस्तगत केली आहे. याप्रकरणी चौघांविरोधात साक्री पोलीस ठाण्यात गुन्हा दाखल करण्यात आला आहे.

३० हजार रुपये किमतीच्या अकरा मोटारी जप्त…

दुसऱ्या कारवाईत धुळे स्थानिक गुन्हे अन्वेषण विभागाने दोन अल्पवयीन मुलांच्या मुसक्या आवळल्या आहेत. शिंदखेडा तालुक्यातील दरवाडे येथे राहणाऱ्या सागर मालचे याने त्याच्या साथीदारांसोबत शिंदखेडा व धुळे तालुक्यातील शेतकऱ्यांच्या शेतातील वीज मोटारी चोरल्याची माहिती मिळाली होती. त्यानंतर धुळे स्थानिक गुन्हे अन्वेषण विभागाने सागर मालचे व मच्छिंद्र भिल या दोघांनसह चौघांना ताब्यात घेऊन त्यांची कसून चौकशी केली असता आरोपींनी शिंदखेडा तालुक्यात आणि धुळे तालुक्यातील शेतामधून वीज मोटार चोरल्याची त्यांनी कबुली दिली. त्यातील काही पाण्याच्या मोटारी त्यांनी स्वतःकडेच ठेवले तर काही मोटारी धुळ्यातील हमीद पठाण या भंगारवाल्याला विकल्याचं सांगितल. पोलिसांनी ३० हजार रुपये किमतीच्या अकरा मोटारी जप्त केल्या आहेत.

२०१४ चे खरे मुख्यमंत्री गोपीनाथ मुंडेच होते, रोहित पवारांचा फडणवीसांवर अप्रत्यक्ष बाण
४ हजार रुपये किमतीच्या चार लोखंडी तलवारी जप्त…

तसेच चिमठाणा तालुका शिंदखेडा येथील किरण भील याला ताब्यात घेतले असता त्याच्याकडून ४ हजार रुपये किमतीच्या चार लोखंडी तलवारी आणि आठशे रुपये किमतीच्या तलवारींचे कव्हर जप्त केले आहे. किरण भील वीज मोटर चोरतो आणि घरात तलवारी ठेऊन धाक दाखवून दहशद निर्माण करतो, अशी माहिती पोलिसांना मिळाली होती. त्यावरून पोलिसांनी चीमठणा येथे जाऊन ही कारवाई केली आहे. पोलिसांनी किरण भील त्याच्या घरातून तलवारी जप्त केल्या आहेत. ह्या सर्व कारवायांमुळे विशेष पोलीस महासंचालक बी.जी शेखर पाटील यांनी धुळे पोलिसांचे कौतुक केले आहे.

Cramp Relief roll-ons: मासिक वेदनांपासून आता मिळवा तात्काळ आराम

LEAVE A REPLY

Please enter your comment!
Please enter your name here