राज्यसभा निवडणुकीच्या निमित्तानं छोटे पक्ष आणि अपक्षांचं महत्त्व वाढलंय. महाराष्ट्र नवनिर्माण सेनेचे एकमेव आमदार राजू पाटील राज्यसभा निवडणुकीच्या पार्श्वभूमीवर नॉट रीचेबल झाले आहेत.
हायलाइट्स:
- मनसे आमदार राजू पाटील नॉट रीचेबल
- मनसेचं मत कुणाला?
- राज्यसभा निवडणुकीत प्रत्येक महत्वाचं
मनसे भाजप जवळीक वाढली?
मनसेने हिंदुत्वाचा मुद्दा जोरदार उचल्याने भाजप – मनसे नेत्यांच्या जवळीक वाढल्याचे आपण पाहिले आहे. काही दिवसांपूर्वी मनसेच्या आमदार पाटील यांनी संभाजीराजे छत्रपती यांच्या समर्थनार्थ पुढाकार घेतलेला दिसला होता.तर दुसरीकडे ठाणे पालकमंत्री एकनाथ शिंदे आणि मनसे नेते राजू पाटील यांचे सुद्धा संबंध चांगले आहेत, असे असेल तरी कल्याण लोकसभेचे खासदार डॉ.श्रीकांत शिंदे आणि मनसेचे आमदार पाटील हे कट्टर राजकीय विरोधक असल्याचे दिसून आले आहे.
जागा राज्यसभेची, पक्षीय बलाबल विधानसभेचं महत्त्वाचं, मविआ-भाजपचं संख्याबळ किती?
कल्याण-डोंबिवलीत शिवसेनेने भाजप आणि मनसेला खिंडार पाडलं आहे.राज्यात केडीएमसी ही एकमेव पालिका होती, जिथे दोन आकडी नगरसेवक मनसेचे होते.दरम्यान, महापालिका निवडणुक जवळ आली असल्याने शिवसेनेच्या उमेदवाराला मनसे पाठिंबा देण्याची शक्यता कमी आहे. त्यामुळे भाजपसाठी मनसेचे एक मत मिळू शकते अशी शक्यता वर्तवली जात आहे. अद्याप मनसेने याविषयी भूमिका जाहीर केली नसली तरी भाजपला त्या मताची आशा आहे.
प्रत्येक भारतीय व्यक्तीच्या फोनमध्ये असायलाच हवे ‘हे’ ५ अ‍ॅप्स, मिनिटात होईल सरकारी काम
महापालिका निवडणुकीत मनसे आणि भाजप अशी युती होणार असल्याची चर्चा होत असते. त्याची चुणूक राज्यसभा निवडणुकीच्या मतदानाच्या निमित्ताने दिसून येईल का हे पाहावे लागेल. याबाबत मनसेच्या आमदार राजू पाटील यांना सम्पर्क केला असता झाला नाही,ते नॉट रीचेबल आहेत.त्यामुळं ते कोणाला मतदान करणार हे पाहावे लागेल.
‘मी म्हटलं, कुसुम काय चाललंय? तिचा चेहरा फुलला’, पवारांनी कोणता किस्सा सांगितला?
राज्यसभेच्या निवडणुकीचा निकाल अपक्षांच्या हाती
महाराष्ट्रातील सहा जागांसाठी सात उमेदवार रिंगणात आहेत. भाजपकडून पियूष गोयल, डॉ. अनिल बोंडे, धनंजय महाडिक, शिवसेनेचे संजय राऊत, संजय पवार, काँग्रेसचे इमरान प्रतापगढी आणि राष्ट्रवादी काँग्रेसचे प्रफुल पटेल यांच्यापैकी सहा उमदेवार खासदार होतील, तर एका उमेदवाराचा पराभव होईल. राज्यसभा निवडणुकीचा निकाल अपक्षांच्या मतांवर ठरणार आहे.
२०१४ च्या दगाफटक्याचा बदला घेणार; बंटी पाटीलच धनंजय महाडिकांची राज्यसभा घालवणार?
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
शिवसेना राज्यसभा निवडणूक राजू पाटील राज ठाकरे rajya sabha election rajya sabha raju patil raj thackeray mns bjp
Web Title : mns mla raju patil not reachable before rajya sabha election mns leader vote over bjp or mva in suspense
Marathi News from Maharashtra Times, TIL Network
Marathi News from Maharashtra Times, TIL Network
