आंबेगाव ( पुणे): आंबेगाव तालुक्यातील निरगुडसर येथील विहिरीत पाय घसरून पडल्याने सहा वर्षीय चिमुकलीचा बुडून मृत्यू झाला आहे. मेंढपाळ व्यवसाय करणाऱ्या व्यक्तीची ६ वर्षीय लहान मुलगी खेळताना पाय घसरुन ५० फुट खोल विहिरीच्या पाण्यात पडली. तब्बल २८ तासांनी या मुलीचा मृतदेह पाण्यावर तरंगताना दिसला. या घटनेमुळे संपूर्ण परिसरात खळबळ उडाली असून पोलीस तपास करत असल्याची माहिती आहे.
मिळालेल्या माहितीनुसार, जुन्नर इथल्या आपत्कालीन व्यवस्थापन टीमने विहिरीच्या पाण्यातून बाहेर काढला. जिजाबाई संतोष दगडे असं मृत्यू झालेल्या लहान मुलीचं नाव आहे. निरगुडसर येथील बाम्हणदरा इथल्या जारकरवाडी ते मेंगडेवाडी मंचर रस्त्याच्या बाजूला ओढ्याच्याकडेला शेतकरी सुरेश किरवे यांच्या मालकीची विहीर आहे. मेंढपाळ संतोष दगडे हे मेंढरं पाणी पिण्यासाठी घेऊन गेले होते. सिद्धू मुसेवालावर गोळ्या झाडणारे दोन शूटर पुण्यातले? तपासात धक्कादायक खुलासे पाणी पेल्यानंतर मेंढ्या झाडाच्या सावलीत बसल्या होत्या. मुलीचे वडील गावात गेले होते. झाडाखाली मुलीची आजी सुमनबाई दगडे आणि जिजाबाई दगडे या दोघीच होत्या. आजीला झोप लागली असल्याने मुलगी झाडाखाली खेळत असताना शेजारील विहिरीत तोल जावून ती ५० फुट विहीरीमध्ये पडली. पोहोता येत नसल्याने तिचा मृत्यू झाला. ही घटना शनिवारी दुपारी ३ वाजण्याच्या सुमारास घडली.
मुलीचे वडील संतोष दगडी यांनी शनिवारी दिवसभर मुलीचा शोध घेतला. परंतु, ती कुठेही सापडली नाही. त्यांनी याबाबत मंचर पोलीस ठाण्यात फिर्याद दाखल केली होती. रविवारी सकाळी मेंढपाळ आणि ग्रामस्थांनी विहिरीमध्ये शोध घेतला असता मुलीची ओढणी पाण्यात तरंगतांना आढळून आली. यानंतर मुलीला बाहेर काढण्यात आले.
सिद्धू मुसेवालावर गोळ्या झाडणारे दोन शूटर पुण्यातले? तपासात धक्कादायक खुलासे
