Nitin Nandgaonkar | मनसे असो किंवा शिवसेना नितीन नांदगावकर यांनी आपल्या ‘झटपट न्यायदानाच्या’स्टाईलमुळे आपली वेगळी ओळख कायम ठेवली आहे. ते परप्रांतीयांविरोधातील भूमिकेसाठी ओळखले जातात. परप्रांतीय रिक्षाचालकाला केलेली मारहाण असो की दवाखान्यात जाऊन डॉक्टरांना दिलेला दम असो, नांदगावकर कायमच फेसबुक व्हीडिओच्या माध्यमातून चर्चेत असतात.
हायलाइट्स:
- नितीन नांदगावकर पुन्हा एकदा चर्चेत आले आहेत
- नितीन नांदगावकर यांची उपनेतेपदी नियुक्ती
- शिवसेनेने नांदगावकर यांना बढती दिली आहे
भाजपच्या कडव्या आव्हानामुळे मुंबई महानगरपालिकेची यंदाची निवडणूक ही शिवसेनेसाठी कधी नव्हे इतकी आव्हानात्मक ठरणार आहे. अशावेळी नितीन नांदगावकर यांच्यासारखा आक्रमक आणि धडाडीचा नेता शिवसेनेची भूमिका मतदारांपर्यंत प्रभावीपणे पोहोचवू शकतो. तसेच भाजपच्या नेत्यांना त्यांच्याच आक्रमक भाषेत प्रत्युत्तर देण्याची क्षमताही नितीन नांदगावकर यांच्यामध्ये आहे. याच कारणामुळे महानगरपालिका निवडणूक जवळ येऊन ठेपली असतानाच शिवसेनेने नांदगावकर यांना बढती दिली आहे. आता निवडणुकीत नितीन नांदगावकर यांच्या आक्रमकपणाचा शिवसेनेला कितपत फायदा होणार, हे येणारा काळच ठरवेल.
नितीन नांदगावकर यांची कराची बेकरीचे नाव बदलण्याची मागणी; संजय राऊत म्हणाले…सुरुवातीच्या काळात महाराष्ट्र नवनिर्माण सेनेत असलेल्या नितीन नांदगावकर यांनी २०१९ मध्ये शिवसेनेत प्रवेश केला होता. मनसे असो किंवा शिवसेना नितीन नांदगावकर यांनी आपल्या ‘झटपट न्यायदानाच्या’स्टाईलमुळे आपली वेगळी ओळख कायम ठेवली आहे. ते परप्रांतीयांविरोधातील भूमिकेसाठी ओळखले जातात. परप्रांतीय रिक्षाचालकाला केलेली मारहाण असो की दवाखान्यात जाऊन डॉक्टरांना दिलेला दम असो, नांदगावकर कायमच फेसबुक व्हीडिओच्या माध्यमातून चर्चेत असतात. नितीन नांदगावकर यांनी शिवसेनेत प्रवेश करून बराच काळ उलटला असली तरी ते संघटनेत फारसे सक्रिय दिसत नव्हते. अखेर शिवसेनेकडून त्यांच्यावर पहिल्यांदाच मोठी जबाबदारी देण्यात आली आहे. आता नितीन नांदगावकर या जबाबदारीला कितपत न्याय देणार, हे आगामी काळात पाहावे लागेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
शिवसेना नितीन नांदगावकर उद्धव ठाकरे uddhav thackeray shiv sena nitin nandgaonkar mumbai bmc election 2022
Web Title : shiv sena supremo uddhav thackeray give new responsibility to nitin nandgaonkar before bmc election 2022
Marathi News from Maharashtra Times, TIL Network
Marathi News from Maharashtra Times, TIL Network
