7 Bollywood Celebes Who Received Death Threat: सलमान खानच नव्हे या 7 बॉलिवूड सेलेब्सना गँगस्टरकडून मिळाली होती जीवे मारण्याची धमकी – salman khan death threat not only him but these 7 bollywood celebs received death threats

हे वाचा-सलमान खानच्या घरी पोहोचले विश्वास नांगरे- पाटील, वाचा Inside Story

१. शाहरुख खान

रिपोर्ट्सनुसार, कुख्यात गँगस्टर छोटा राजनचा सहकारी रवी पुजारी याने शाहरुख खानला जीवे (Shah Rukh Khan) मारण्याची धमकी दिली होती. सुमारे 8 वर्षांपूर्वी 2014 साली ‘हॅपी न्यू इयर’च्या शूटिंगदरम्यान शाहरुखला एक नोट मिळाली होती, ज्यावर लिहिले होते- ‘पुढचा नंबर तुझा आहे’.

२. आमिर खान

आमिर खान (Aamir Khan) ‘सत्यमेव जयते’ हा शो करायचा. या लोकप्रिय शोच्या पहिल्या सीझनमध्ये त्याला जीवे मारण्याची धमकी आली होती. यानंतर त्याने सुरक्षेसाठी बुलेट प्रूफ गाडी खरेदी केली होती. या गाडीची किंमत साधारण १० कोटी असल्याचेही समोर आले होते.

हे वाचा-मानहानी खटल्यानंतर जाॅनी डेपला द्यायला अंबर हर्डकडे पैसेच नाहीत, अब्जावधी रुपये गेले…

३. राकेश रोशन

हृतिक रोशनचे वडील राकेश रोशन (Rakesh Roshan) यांच्यावरही गोळी झाडण्यात आली आहे. २००० साली जेव्हा हृतिकचा पहिला चित्रपट ‘कहो ना प्यार है’ रिलीज झाला होता, तेव्हाच ही घटना घडली होती. या रीलिजच्या दोन दिवसांनंतर, शूटर्सनी त्यांच्या ऑफिसबाहेर गोळी झाडली होती. सुदैवाने त्यांना तातडीने रुग्णालयात दाखल करण्यात आले, त्यामुळे त्यांचे प्राण वाचले होते.

४. उदित नारायण

बॉलिवूडचे प्रसिद्ध गायक उदित नारायण (Udit Narayan) यांना 22 वर्षांपूर्वी धमकीचे फोन यायचे. गाणे सोडून दे अन्यथा जीवाला मुकाल अशी धमकी त्यांना दिली जात होती. या कॉलनंतर उदित इतके घाबरले की त्यांनी अनेक महिने गाणे सोडून दिले होते.

५. अरिजित सिंग

प्रसिद्ध गायक अरिजित सिंगला (Arijit Singh) अंडरवर्ल्डकडून धमकी आल्याचे समोर आले होते. रिपोर्ट्सनुसार अंडरवर्ल्ड डॉन रवी पुजारीने अरिजितकडे 5 कोटी रुपयांची मागणी केली होती. त्याने त्याला 2 स्टेज शो मोफत करण्यासही सांगितले होते. यानंतर गायकाने मुंबई पोलिसांकडे तक्रार दाखल केली होती. पण त्याने एफआयआर नोंदवण्यास नकार दिला होता आणि सुरक्षाही घेतली नव्हती.

हे वाचा-१८ वर्षांचे संशोधन? नेटकऱ्यांनी घेतली अक्षय कुमारची शाळा, MEMES व्हायरल

६. गुलशन कुमार

T-Series चे संस्थापक गुलशन कुमार (Gulshan Kumar) यांची 1997 साली गोळ्या झाडून हत्या करण्यात आल्याची धक्कादायक घटना घडली होती, त्याच पद्धतीने सिद्धू मुसेवालाची 29 मे 2022 रोजी हत्या करण्यात आली. अंडरवर्ल्डच्या अबू सालेमने गुलशन यांच्याकडे 10 कोटी रुपयांची मागणी केली होती आणि त्यांनी पैसे देण्यास नकार दिला होता. त्यानंतर त्यांची मंदिराबाहेर हत्या करण्यात आली.

७. अक्षय कुमार

अक्षय कुमारलाही धमकीचा फोन आला होता. हा फोन गँगस्टर रवी पुजारीने केल्याचे बोलले जाते. मीडिया रिपोर्ट्सनुसार, अक्षयच्या घरातून महिलेला कामावरुन काढून टाकण्यात आले होते, ज्यावर रवीने असे करून मोठी चूक केल्याचे सांगितले होते. अक्षयला 2 वर्षा धमकीचे फोन येत होते. त्यानंतर त्याने पोलिसात तक्रार दाखल केली आणि त्याला सुरक्षा पुरवण्यात आली होती.