पोलिसांनी दिलेल्या माहितीनुसार, सेनगाव तालुक्यातील पानकनेरगाव येथील संजय आबाराव देशमुख व त्यांची दोन्ही मुले निखिल संजय देशमुख, गजानन संजय देशमुख यांच्यात मागील काही दिवसांपासून कौटुंबिक कारणावरुन वाद सुरू होता. त्यातून छोट्या-मोठ्या कारणांवरून वाद सूरू असल्यामुळे हा खून केला असावा असं पोलिसांनी सांगितलं आहे.
बिश्नोई गँगचा पेहराव फॉलो, मुसेवाला हत्येचं पुणे कनेक्शन, आंबेगावचा संतोष जाधव कोण?
काठीने व लाकडाने मारहाण केली…
दरम्यान, शनिवारी ४ जून रात्री साडेसात वाजता निखील देशमुख व गजानन देशमुख या दोघांनी त्यांचे वडील संजय देशमुख यांना काठीने व लाकडाने मारहाण केली. या मारहाणीत त्यांना गंभीर दुखापत झाली. त्यानंतर रविवारी दोन्ही मुलांनी संजय देशमुख यांना उपचारासाठी रिसोड येथे दाखल केले. मात्र, त्यांची प्रकृती गंभीर असल्याने त्यांना वाशिम येथे हलवले. त्याठिकाणीही प्राथमिक उपचार करुन डॉक्टरांनी अकोला येथे नेण्यास सांगितले. मात्र, दोन्ही मुलांनी त्यांना अकोला येथे न नेता रात्री पानकनेरगाव येथे आणले आणि रस्त्यात त्यांचा मृत्यू झाला.
चिंता वाढली! ठाणेकरांवर कोरोनाचे सावट, जिल्ह्यात आतापर्यंत ९९२ रुग्णांची नोंद
अंगावर केले होते घाव…
दरम्यान, खूनाची घटना लपवण्यासाठी दोन्ही मुलांनी रविवारी रात्री साडेनऊ वाजण्याच्या सुमारास अंत्यविधीची तयारी केली. मात्र, या घटनेची माहिती मिळताच सेनगाव पोलीस ठाण्याचे निरीक्षक रणजीत भोईटे, सहाय्यक पोलिस निरीक्षक दिक्षा लोकडे, जमादार अनिल भारती यांच्या पथकाने रात्री पानकनेरगाव गाठले. पोलिसांनी मृत संजय देशमुख यांचा मृतदेह ताब्यात घेऊन कवठा येथील प्राथमिक आरोग्य केंद्रात उत्तरीय तपासणीसाठी दाखल केला. यामध्ये मृतदेहाच्या अंगावर जखमा असल्याने तपासात स्पष्ट झाले.
यावरुन शिवाजी आबाराव देशमुख यांच्या तक्रारीवरून सेनगाव पोलिसांनी निखिल संजय देशमुख व गजानन संजय देशमुख या दोघांवर खुनाचा गुन्हा दाखल केला आहे. पोलीस निरीक्षक भोईटे या प्रकरणाचा पुढील तपास करत आहेत.
मतांची जुळवाजुळव, शिवसेनेची पळापळ, ‘वर्षा’वरुन आमदार थेट ‘हॉटेल रिट्रिट’वर जाणार
