Vidhanparishad Election 2022 | विधानपरिषद, विधानसभा, लोकसभा, राज्यसभा हे निर्णय केंद्र सरकार घेते. केंद्राने घेतलेला निर्णय हा सर्वांनी शिस्तबद्ध कार्यकर्ता म्हणून मान्य करायचा असतो. पंकजा ताईंची उमेदवारी व्हावी, यासाठी देवेंद्र फडणवीस यांच्यासह आम्ही सगळ्यांनी खूप प्रयत्न केले. पण केंद्राने काहीतरी भविष्यातील विचार केला असेल. पंकजा मुंडे या पक्षाच्या राष्ट्रीय सचिव आहेत.
हायलाइट्स:
- भाजपने आपले पाच उमेदवार जाहीर केले आहेत
- प्रविण दरेकर आणि प्रसाद लाड यांना पुन्हा संधी
- राम शिंदे, श्रीकांत भारतीय आणि उमा खापरे यांना भाजपकडून संधी
त्यावेळी चंद्रकांत पाटील यांना पंकजा मुंडे यांना का डावलण्यात आले, असा प्रश्न विचारण्यात आला. त्यावर चंद्रकांत पाटील यांनी म्हटले की,आमच्या पार्टीमध्ये आम्ही सगळी कोरी पाकीटं असतो. जो पत्ता लिहील तो जात असतो. त्यामुळे राजकारणात काम करणारी व्यक्ती आणि त्याच्या चाहत्यांनी इच्छा व्यक्त करायची असते. पण निर्णय हा संघटना करते. विधानपरिषद, विधानसभा, लोकसभा, राज्यसभा हे निर्णय केंद्र सरकार घेते. केंद्राने घेतलेला निर्णय हा सर्वांनी शिस्तबद्ध कार्यकर्ता म्हणून मान्य करायचा असतो. पंकजा ताईंची उमेदवारी व्हावी, यासाठी देवेंद्र फडणवीस यांच्यासह आम्ही सगळ्यांनी खूप प्रयत्न केले. पण केंद्राने काहीतरी भविष्यातील विचार केला असेल. पंकजा मुंडे या पक्षाच्या राष्ट्रीय सचिव आहेत. जिवंत माणूस म्हणून इच्छा व्यक्त करणे, अपेक्षा व्यक्त करणे आणि इच्छित गोष्ट न मिळाल्यामुळे नाराजी व्यक्त करण्यात काहीही गैर नाही. परंतु, भाजपमधील नाराजी ही, पाण्यातील एखादं जहाज क्रेनने उचललं तर पाण्यात पडणारा जो खड्डा असतो, तसाच लगेच भरला जाणारा असतो. त्यामुळे नाराजी ही तात्कालिक असते, असे चंद्रकांत पाटील यांनी म्हटले.
विधानपरिषदेसाठी भाजपचे पाच उमेदवार जाहीर; पंकजा मुंडेंना पुन्हा डावललंभाजपकडून विधानपरिषद निवडणुकीसाठी कोणाला संधी?
विधानपरिषद निवडणुकीसाठी भाजपने आपले पाच उमेदवार जाहीर केले आहेत. यामध्ये प्रविण दरेकर आणि प्रसाद लाड यांना पुन्हा संधी देण्यात आली असून नव्या तीन नावांचा समावेश करण्यात आला आहे. राम शिंदे, श्रीकांत भारतीय आणि उमा खापरे यांना भाजपकडून विधानपरिषदेची उमेदवारी देण्यात आली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
विधान परिषद निवडणूक पंकजा मुंडे चंद्रकांत पाटील vidhanparishad election 2022 pankaja munde devendra fadnavis chandrakant patil bjp
Web Title : chandrakant patil on bjp denied vidhanparishad election 2022 cadidature to pankaja munde
Marathi News from Maharashtra Times, TIL Network
Marathi News from Maharashtra Times, TIL Network
