Monsoon News 2022 : महाराष्ट्राला पावसाची वाट पाहावी लागणार, वाचा कुठे पोहोचला मान्सून?
पुढील ३ ते ४ तासांमध्ये मुसळधार पावसाचा इशारा
मृग नक्षत्राच्या पूर्व संध्येला पावसाने जोरदार हजेरी लावली. तब्बल एक तास पावसाच्या सरी कोसळत होत्या. कर्नाटक आणि गोवा इथं मान्सून रेंगाळत असतानाच सायंकाळी आबोलीत पावसाने जोरदार हजेरी लावली. सिंधुदूर्गमध्ये ढगाळ आणि दमट पावसाळी वातावरण असून काही भागात पुढील ३ ते ४ तासांमध्ये ३० ते ४० किलोमीटर प्रति ताशी वेगाचा सोसाट्याचा वारा, विजांचा लखलखाट व मेघगर्जनेसह तुरळक ठिकाणी हलक्या ते मध्यम स्वरूपाच्या पावसाची शक्यता आहे असल्याची माहिती देण्यात आली आहे.
मुंबईकरांनो, उद्यापासून मोठा बदल; आताच वाचा नाहीतर ३ महिन्यांसाठी परवाना होईल रद्द
मासेमारी बंद ठेवण्याचे निर्देश
रत्नागिरी भारतीय हवामान खाते, कुलाबा, मुंबई यांच्याकडून पर्जन्यमानविषयक प्राप्त झालेल्या संदेशानुसार ०८ जून २०२२ ते १० जून २०२२ या कालावधीत दक्षिण महाराष्ट्र व गोवा किनारा व लगतच्या पूर्व मध्य अरबी समुद्राच्या ठिकाणी ताशी ४०-५० कि.मी ते ६० कि.मी. वेगाने वादळी वारे वाहण्याचा इशारा वर्तवण्यात आला आहे. तरी मच्छीमारांनी संबधित कालावधीत समुद्रात मासेमारीसाठी जावू नये असा इशारा देण्यात आला असल्याचं जिल्हा प्रशासनाने कळविलं आहे.
विधानपरिषदेसाठी भाजपचे पाच उमेदवार जाहीर; पंकजा मुंडेंना पुन्हा डावललं
