पक्षादेशाप्रमाणे मतदान करा! राज्यसभा निवडणुकीसाठी शिवसेनेकडून आमदारांना व्हिप जारीराज ठाकरे यांची भेट घेऊन बाहेर पडल्यानंतर आशिष शेलार यांनी प्रसारमाध्यमांशी संवाद साधला. यावेळी त्यांनी म्हटले की, मनसे अध्यक्ष राज ठाकरे यांना भेटलो. पक्षाच्यावतीने राज्यसभेसाठी मनसेचं असलेलं एक मत भाजपला मिळावे, यासाठी विनंती केली. आम्ही धन्यवाद व्यक्त करतो, आमच्या विनंतीला मान दिला, ते मत भाजपला पडेल असा विश्वास दिल्याचे शेलार यांनी म्हटले. मात्र, मनसेकडून अद्याप याबाबत अधिकृत घोषणा झालेली नाही. या भेटीवेळी मनसेचे आमदार राजू पाटीलही उपस्थित होते. त्यामुळे आता १० जूनला होणाऱ्या निवडणुकीवेळी काय घडणार, हे पाहावे लागेल.
तत्पूर्वी महाविकास आघाडीकडून मंगळवारी मुंबईत शक्तीप्रदर्शन करण्यात आले. ट्रायडंट हॉटेलमध्ये मविआच्या आमदारांची आणि अपक्ष आमदारांची बैठक झाली. या बैठकीला १२ अपक्ष आमदार उपस्थित होते. त्यामुळे आता भाजपला इतर लहान पक्ष आणि अपक्षांची मते मिळवणे गरजेचे आहे. त्यासाठी भाजपकडून सध्या धावपळ सुरु आहे. करोना झाल्यामुळे देवेंद्र फडणवीस हे होम क्वारंटाईन आहेत. त्यांच्या अनुपस्थितीत मतांची जुळवाजुळव करण्याची जबाबदारी आशिष शेलार, प्रसाद लाड आणि गिरीश महाजन या ‘त्रिमूर्ती’वर सोपवण्यात आली आहे.
अपक्ष आमदार आमच्याच बाजूने असतील, सतेज पाटलांचा विरोधकांना टोला
