राज्यसभेच्या सहाव्या जागेसाठी शिवसेना, भाजपमध्ये जोरदार चुरस असून लहान पक्षांना आपल्या बाजूनं वळवण्याचे प्रयत्न आहेत. समाजवादी पक्ष, बहुजन विकास आघाडीच्या पाठिंब्यासाठी दोन्ही पक्ष प्रयत्नशील आहेत. त्यामुळे लहान पक्ष या निवडणुकीत गेमचेंजर ठरण्याची शक्यता आहे.
हायलाइट्स:
- शरद पवारांचा हितेंद्र ठाकूर यांना फोन
- मविआला मतदान करण्यासाठी ठाकूर यांची मनधरणी
- आमची भूमिका १० जूनला कळेल- ठाकूर
समाजवादी पक्षाच्या अबु आझमी यांचं मन वळवण्यासाठी उपमुख्यमंत्री अजित पवार आणि शिवसेनेचे सचिव मिलिंद नार्वेकर प्रयत्नशील आहेत. तर बहुजन विकास आघाडीचे सर्वेसर्वा हितेंद्र ठाकूर यांच्या मनधरणीसाठी थेट राष्ट्रवादीचे अध्यक्ष शरद पवार यांनी फोन केल्याची माहिती आहे. आज दुपारी पवार आणि ठाकूर यांच्यामध्ये फोनवरून दोन मिनिटं चर्चा झाली. विधानसभेत बविआचे तीन आमदार आहेत. त्यात हितेंद्र ठाकूर यांचादेखील समावेश होतो.
बाळासाहेबांचे सैनिक, सेनेसाठी आयुष्य वेचलं, रावते-देसाईंविषयी बोलताना राऊतांचा गळा दाटलाबविआचे अध्यक्ष हितेंद्र ठाकूर यांच्या भेटीसाठी महाविकास आघाडीचं शिष्टमंडळ दुपारच्या सुमारास त्यांच्या विरार येथील निवासस्थानी गेलं होतं. या शिष्टमंडळात शिवसेनेचे खासदार राजन विचारे, विनायक राऊत यांच्यासह राष्ट्रवादीचे नेते अंकुश काकडे यांचा समावेश होता. यावेळी काकडेंनी पवार यांना फोन केला. त्यानंतर पवार आणि ठाकूर यांच्यामध्ये दोन मिनिटं चर्चा झाली. राज्यसभेच्या निवडणुकीत महाविकास आघाडीला मतदान करा, असं आवाहन पवारांनी ठाकूरांना केलं. या चर्चेनंतर शरद पवार मोठे नेते आहेत. त्यांच्या नावाला वलय आहे, असं ठाकूर म्हणाले. मात्र आपली भूमिका १० जूनला मतदानाच्या दिवशीच स्पष्ट करू, असंदेखील त्यांनी म्हटलं.
राष्ट्रवादीच्या स्थापनेपासून रामराजे पवारांसोबत, जावई भाजपवासी, इंटरेस्टिंग स्टोरीठाकूर यांची राजकीय गणितं काय?
वसई, विरार, पालघर पट्ट्यात बविआची ताकद आहे. मात्र याच भागात शिवसेनेनं आपला विस्तार सुरू केला आहे. राज्यात शिवसेनेचा मुख्यमंत्री झाल्यापासून या भागात पक्षाची ताकद वाढली आहे. नगरविकास मंत्री एकनाथ शिंदे स्वत: या भागात लक्ष घालतात. त्यामुळे शिवसेना आणि बविआमध्ये संघर्ष आहे. त्यातच ठाकूर यांच्या कुटुंबातील सदस्यांवर ईडीची वक्रदृष्टी आहे. त्यामुळे ते भाजपला मतदान करतील, अशी चर्चा राजकीय वर्तुळात सुरू आहे.
८ आमदार आणि ४ पक्ष; ऐन राज्यसभेच्या मतदानात ठाकूरच ठाकरेंना अडकवणार?
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
हितेंद्र ठाकूर शिवसेना शरद पवार राष्ट्रवादी काँग्रेस राज्यसभा निवडणुक shiv sena sharad pawar rajya sabha election ncp hitendra thakur
Web Title : rajya sabha election 2022 ncp chief sharad pawar dials hitendra thakur seeks support
Marathi News from Maharashtra Times, TIL Network
Marathi News from Maharashtra Times, TIL Network
