हे वाचा-हृताच्या डोळ्यांसमोरुन हटत नाहीये लग्नातील तो गोड क्षण, फोटो शेअर करत म्हणाली…
१९९२ ला काजोलने बेखुदी (Kajol Movies) या सिनेमातून बॉलिवूडमध्ये पाऊल टाकलं. कमल सदाना आणि सैफ अली खान (Saif Ali Khan) यांच्यासोबत ही सावळी पोरगी पडदयावर झळकली आणि तेव्हापासून ती ३० वर्षे बॉलिवूडची यशस्वी अभिनेत्री आहे. आजही ती स्क्रिनवर आली तर चाहत्यांना तिला पाहणं ही ट्रीट वाटते.
अभिनय क्षेत्र काजोलची पहिली पसंती नव्हतं
पण याच काजोलला बॉलिवूडमध्ये कामच करायचं नव्हतं असं सांगितलं तर विश्वास बसला नसता. पण ही मनातली गोष्ट बॉलिवूडमधील ३० वर्षांच्या (Kajol 30 Years Journey of Bollywood) प्रवासानंतर काजोलने सांगितली आहे. अभिनेत्री नव्हे तर काजोलला ९ ते ५ नोकरी करणारी, जिच्या बँक खात्यात दर महिन्याला पगार जमा होतो अशी नोकरदार स्त्री म्हणून आयुष्य जगायचं होतं
कोण होणार करोडपती या शोचा नवा सीझन ६ जूनपासून सुरू झाला. या शोच्या एका स्पेशल भागात काजोल आणि तनुजा या मायलेकी सहभागी झाल्या होत्या. या शोचे होस्ट सचिन खेडेकर यांनी काजोलला बोलतं केलं तेव्हा काजोलने मनातील ही इच्छा बोलून दाखवली. काजोलचं हे स्वप्न ऐकून तिच्या फॅनक्लबमध्ये असलेल्या लाखो नोकरदार महिलांना मात्र ती आपल्यातीलच एक वाटली असेल हे नक्की.
‘कोण होणार करोडपती’मध्ये काजोल आणि तनुजा यांची उपस्थिती
काजोलने यापूर्वीही याबाबत काही मुलाखतीत तिचं मत मांडलं आहे. काजोलच्या मते तिची बॉलिवूडमधील सुरूवात फारशी चांगली नव्हती. बेखुदी या तिच्या पहिल्या सिनेमालाही यश मिळालं नव्हतं. इतकच नव्हे तर आई अभिनेत्री असूनही काजोलने अभिनयात करिअर करण्याबाबत गांभीर्याने विचारही केला नव्हता. पण एकेक सिनेमे हातात येत गेले आणि मी पुढे जात गेल असं काजोल सांगते. पण चोखंदळपणे सिनेमांची निवड करण्यावर काजोलने नेहमीच भर दिला आहे. एकेक सिनेमासाठी तिने भरपूर वेळ दिला आहे.
हे वाचा-‘कलाकारांच्या आयुष्याबद्दल माहिती असण्याची लोकांना गरज नाही’
बाजीगर, ये दिल्लगी, करण अर्जुन, दिलवाले दुल्हनिया ले जाएंगे, कुछ कुछ होता है, कभी खुशी कभी गम, गुप्त, तान्हाजी अशा एकाहून एक हिट सिनेमात काजोलने काम केलं आहे. बॉलिवूडमधील आघाडीची अभिनेत्री असा किताब मिळवणाऱ्या काजोलला मात्र नोकरी करणारी आणि महिन्याला पगार घेणारी काजोल व्हायचं होतं हे ऐकताच तिचे चाहते अवाक झाले आहेत.
