Vidhan Parishad Election 2022 | सध्याच्या संख्याबळानुसार भाजपला पाचवी जागा निवडून आणण्यासाठीच बरीच कसरत करावी लागणार आहे. भाजपच्या पाचव्या उमेदवारासाठी म्हणजे यादीनुसार प्रसाद लाड यांच्यासाठी भाजपला जवळपास सगळ्या म्हणजे २७ मतांची बेगमी करावी लागणार आहे. मग भाजपने सहावा उमेदवार रिंगणात उतरवल्यास त्याच्यासाठी मतांची व्यवस्था कुठून करणार, हा प्रश्न उपस्थित होतो.
हायलाइट्स:
- भाजपने सहावा उमेदवार रिंगणात उतरवल्यास या निवडणुकीतील चुरस कमालीची वाढू शकते
- विधानपरिषद निवडणुकीत भाजपचा नवा डाव
- भाजपला पाचवी जागा निवडून आणण्यासाठीच बरीच कसरत करावी लागणार आहे
सध्याच्या संख्याबळानुसार भाजपला पाचवी जागा निवडून आणण्यासाठीच बरीच कसरत करावी लागणार आहे. भाजपच्या पाचव्या उमेदवारासाठी म्हणजे यादीनुसार प्रसाद लाड यांच्यासाठी भाजपला जवळपास सगळ्या म्हणजे २७ मतांची बेगमी करावी लागणार आहे. मग भाजपने सहावा उमेदवार रिंगणात उतरवल्यास त्याच्यासाठी मतांची व्यवस्था कुठून करणार, हा प्रश्न उपस्थित होतो. परंतु, भाजपचा एकूण आक्रमक आवेश पाहता भाजपकडून प्रतिस्पर्धी गटातील आमदारांची फोडाफोडी केली जाऊ शकते. तसे झाल्यास विधानपरिषद निवडणुकीत मोठा घोडेबाजार होण्याची शक्यता आहे.
पत्रकार म्हणाले तुमच्या उमेदवारीपेक्षा पंकजांची चर्चा जास्त, प्रसाद लाड म्हणाले…शिवसेनेची भाजपवर टीका
विधान परिषद निवडणुकीत आक्रमक भूमिका घेणाऱ्या भाजपला शिवसेनेकडून फटकारण्यात आले आहे.राज्यसभेप्रमाणे विधान परिषदेची सोपी निवडणूक कठी करण्याचा प्रयत्न भाजपने चालवला आहे. अहंकार आणि पैशांच्या अतिरेकी बुस्टर डोसचे हे अजीर्ण आहे. महाराष्ट्रात काहीच सुरळीत घडून द्यायचे नाही, असेच त्यांचे प्रयत्न आहेत. सुरळीत चाललेले त्यांना पाहवत नाही. अर्थात महाविकास आघाडीचे नेतृत्त्वही काही लेचेपेचे नाही. भाजपचे पेच-डावपेच त्यांच्यावर उलटवल्याशिवाय ते राहणार नाहीत, असे शिवसेनेचे मुखपत्र असलेल्या ‘सामना’तून सांगण्यात आले आहे.
विधान परिषदेतही मतलढाई, भाजपने पाचवा उमेदवार दिल्याने निवडणूक रंगणारपंकजा मुंडेंना भाजपने डावलले
भाजपाकडून पाच उमेदवारांची यादी जाहीर करण्यात आली आहे. यामध्ये पंकजा मुंडे यांचे नाव नसल्याने हा त्यांना फार मोठा धक्का मानला जात आहे. गेल्या काही दिवसांपासून पंकजा मुंडे यांचे नाव चर्चेत होते. अर्थात भाजपमधील अंतर्गत राजकारण पाहता मुख्यमंत्रिपदाच्या स्पर्धेत असलेल्या कुठल्याही नावाचे भवितव्य गेल्या पाच-सात वर्षांत फार चांगले दिसलेले नाही. त्यामुळे मुंडे समर्थक कितीही नाराज झाले तरी पंकजा यांना उमेदवारी मिळणे कठीण आहे, अशीच चर्चा भाजपमध्ये होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
हर्षवर्धन पाटील विधानपरिषद निवडणूक २०२२ भाजप vidhan parishad election 2022 pankaja munde mlc elections 2022 mahavikas aghadi harshvardhan patil bjp
Web Title : bjp may bring 6th candidate harshvardhan patil in vidhan parishad election 2022 mlc elections fray
Marathi News from Maharashtra Times, TIL Network
Marathi News from Maharashtra Times, TIL Network
