ताजपुरातील आहार गावातील महेश ठाकूर यांचा मुलगा संजीव ठाकूर (२५ वर्षे) २५ मेपासून बेपत्ता झाला. नातेवाईकांनी शोधाशोध केली. ७ जूनला मुसरीघरारी पोलीस ठाण्याच्या हद्दीत पोलिसांना एका अज्ञात तरुणाचा मृतदेह सापडला. यानंतर महेश ठाकूर पोलीस ठाण्यात पोहोचले. तरुणाचा मृतदेह शवविच्छेदनासाठी जिल्हा रुग्णालयात पाठवण्यात आल्याची माहिती त्यांना मिळाली. त्यानंतर आई वडिलांनी रुग्णालयात धाव घेतली.
पबजीवरून आईची हत्या; लेकीला उष्ण छतावर झोपवलं; माय-लेकराच्या नात्यात असं का घडतंय?प्रथमत: शवविच्छेदन करणाऱ्यांनी महेश ठाकूर आणि त्यांच्या पत्नीला मृतदेह दाखवण्यास असमर्थतता दर्शवली. महेश ठाकूर यांनी बराच वेळ आर्जव केल्यानंतर अखेर त्यांना मृतदेह दाखवण्यात आला. मृतदेह आपल्याच मुलाचा असल्याचं त्यांनी रुग्णालयातील कर्मचाऱ्यांना सांगितलं. महेश यांनी मुलाचा मृतदेह ताब्यात देण्याची विनंती केली. त्यावेळी कर्मचाऱ्यानं महेश ठाकूर यांच्याकडे ५० हजारांची मागणी केली. पैसे न दिल्यास मृतदेह देणार नाही, असं कर्मचाऱ्यानं सांगितलं.
महेश ठाकूर यांची आर्थिक परिस्थिती फारशी चांगली नाही. त्यामुळे कर्मचाऱ्याची मागणी ऐकून ते गावी परतले. गावात झोळी घेऊन फिरू लागले. दिसेल त्याच्याकडे आर्थिक मदत मागू लागले. लेकाचा मृतदेह रुग्णालयातून आणायचा. कृपया मदत करा, असं म्हणत भीक मागणाऱ्या महेश ठाकूर यांचा व्हिडीओ सोशल मीडियावर व्हायरल झाला. हा प्रकार रुग्णालय प्रशासनापर्यंत पोहोचला. त्यानंतर त्यांनी तातडीनं मृतदेह पोलिसांच्या ताब्यात दिला. यानंतर बुधवारी संजीवच्या मृतदेहावर अंत्यसंस्कार झाले. महेश यांच्याकडे अंत्यसंस्कारासाठीदेखील पैसे नव्हते. त्यामुळे गावातील काहींनी त्यांना मदत केली.
शवगृहात ठेवलेला मृतदेह घरी नेला, आक्रोशही झाला, पण स्मशानात नेण्यापूर्वी जे घडलं त्याने डॉक्टरही हादरले
