president election 2022: राज्यसभेच्या निवडणुकीसाठी विरोधक कामाला लागले आहेत. ही निवडणूक भाजपला सोपी जाईल असं आकडे सांगतात. मात्र एकजुटीच्या माध्यमातून सत्ताधाऱ्यांना धक्का देण्याची रणनीती विरोधक आखताना दिसत आहेत.
हायलाइट्स:
- राष्ट्रपतीपदाच्या निवडणुकीसाठी पवारांच्या घरी बैठक
- बैठकीला काँग्रेसचे वरिष्ठ नेते, मंत्री उपस्थित
- १८ जुलैला राष्ट्रपतीपदासाठी निवडणूक होणार
राष्ट्रपतीपदासाठीच्या निवडणुकीची घोषणा आज दुपारी झाली. त्या पार्श्वभूमीवर राष्ट्रवादीचे अध्यक्ष शरद पवारांच्या घरी बैठकीचं आयोजन करण्यात आलं होतं. या बैठकीला राष्ट्रवादीच्या खासदार संजय राऊत, काँग्रेसचे वरिष्ठ नेते मल्लिकार्जुन खरगे, मंत्री अशोक चव्हाण आणि बाळासाहेब थोरात उपस्थित होते. राष्ट्रपतीपदाची निवडणूक विरोधकांना अवघड जाईल, असं मानलं जात आहे. त्यामुळे विरोधक कोणाला उमेदवारी देणार याकडे राजकीय वर्तुळाचं लक्ष लागलं आहे.
शिवसेनेसाठी काँग्रेस, राष्ट्रवादीची चलाख खेळी; अडचणीतील २ मतांची यशस्वी जुळवणी?राष्ट्रपतीपदासाठी केव्हा होणार निवडणूक?
निवडणूक आयोगानं राष्ट्रपतीपदाच्या निवडणुकीसाठी तारीख जाहीर केली आहे. १८ जुलैला राष्ट्रपती पदासाठी निवडणूक होईल. २१ जुलैला देशाला नवे राष्ट्रपती मिळतील. २९ जूनपर्यंत नामांकन अर्ज दाखल करता येतील. राष्ट्रपतीपदाच्या निवडणुकीसाठी अधिसूचना जारी करण्यात आल्याची माहिती मुख्य निवडणूक आयुक्त राजीव कुमार यांनी पत्रकार परिषदेत दिली. या निवडणुकीत मतदानासाठी विशेष शाई असलेलं पेन देण्यात येईल. मतदान करताना लोकप्रतिनिधींना १,२,३ असा पसंतीक्रम ठरवता येईल. पहिली पसंती न सांगितल्यास मत रद्द ठरवलं जाईल.
राज्यसभा निवडणुकीचे गणित बदलले, आकडे फिरले; कोर्टाच्या निर्णयाचा मविआला फायदा?या निवडणुकीसाठी राजकीय पक्षांना व्हिप जारी करता येणार नाही. संसद आणि विधानसभेत मतदान होईल. राज्यसभेचे महासचिव निवडणूक प्रभारी असतील. कोरोना प्रोटोकॉल पाळण्याचे आदेश देण्यात आले आहेत. राष्ट्रपती रामनाथ कोविंद यांचा कार्यकाळ २४ जुलै २०२२ रोजी संपणार आहे. गेल्या वेळी राष्ट्रपती पदासाठीची निवडणूक १७ जुलै २०१७ रोजी झाली होती.
राष्ट्रपती पदासाठी निवडणुकीची घोषणा
नामांकन अर्ज दाखल करण्याची मुदत- २९ जून
नामांकन अर्जांची छाननी- ३० जून
नामांकन परत घेण्याची तारीख- २ जुलै
मतदान- १८ जुलै
मतमोजणी- २१ जुलै
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : president election 2022 ncp chief sharad pawar discuses with senior congress leaders
Marathi News from Maharashtra Times, TIL Network
Marathi News from Maharashtra Times, TIL Network
