Rajyasabha Election 2022 | शरद पवार यांनी प्रफुल्ल पटेल यांच्यासाठीच्या मतांचा कोटा ४२ वरून ४४ केला असेल तर भाजपचे तिन्ही उमेदवार जिंकलेत, हे आत्ताच जाहीर करायला हरकत नाही. सहाव्या जागेसाठी आम्हाला ११ ते १२ मतांची गरज आहे. आता शरद पवार यांनी राष्ट्रवादी काँग्रेसचा कोटा वाढवला असेल तर शिवसेनेच्या वाट्याला येणाऱ्या उमेदवाराची मतं कमी होतील.

हायलाइट्स:
- शरद पवार यांनी प्रफुल्ल पटेल यांच्या मतांचा कोटा ४२ वरून ४४ इतका करण्याचा निर्णय घेतल्याची चर्चा
- शरद पवार यांनी ऐनवेळी भूमिका बदलल्याने मुख्यमंत्री उद्धव ठाकरे हे प्रचंड संतप्त
- शरद पवार यांच्या या भूमिकेमुळे आता उद्धव ठाकरे हे प्रचंड नाराज
यासंदर्भात भाजपचे राज्यसभेचे उमेदवार धनंजय महाडिक यांनी म्हटले की, शरद पवार यांनी प्रफुल्ल पटेल यांच्यासाठीच्या मतांचा कोटा ४२ वरून ४४ केला असेल तर भाजपचे तिन्ही उमेदवार जिंकलेत, हे आत्ताच जाहीर करायला हरकत नाही. सहाव्या जागेसाठी आम्हाला ११ ते १२ मतांची गरज आहे. आता शरद पवार यांनी राष्ट्रवादी काँग्रेसचा कोटा वाढवला असेल तर शिवसेनेच्या वाट्याला येणाऱ्या उमेदवाराची मतं कमी होतील. तसे घडल्यास आमचा विजय हा निश्चित आहे. मात्र, एरवीही भाजपचा विजय हा निश्चितच होता. मला काल रात्री चांगली झोप लागली. देवेंद्र फडणवीस यांनी राज्यसभा निवडणुकीसाठी अगदी योग्य रणनीती आखली आहे. आम्हाला निवडणूक जिंकण्यासाठी आवश्यक असलेल्या मतांची जुळवाजुळव झाल्याचा दावा धनंजय महाडिक यांनी केला.
मुंबईतलं वातावरण तापलयं: वैभव नाईक
राष्ट्रवादी काँग्रेसचे सर्वेसर्वा शरद पवार यांनी ऐनवेळी भूमिका बदलून शिवसेनेला अडचणीत आणल्याची माहिती सूत्रांनी दिली आहे. त्यामुळे मुख्यमंत्री उद्धव ठाकरे संतापल्याची माहिती आहे. मात्र, या सगळ्यावर शिवसेनेच्या गोटातून कोणीही अधिकृत वक्तव्य केलेले नाही. शिवसेना आमदारांचा मुक्काम सध्या ट्रायडंट हॉटेलमध्ये आहे. याठिकाणी शिवसेनेचे कोकणातील आमदार वैभव नाईक शुक्रवारी सकाळी जॉगिंगसाठी बाहेर पडले होते. त्यावेळी प्रसारमाध्यांनी त्यांना गाठले. राष्ट्रवादी काँग्रेसने ऐनवेळी स्वत:च्या मतांचा कोटा वाढवल्याविषयी त्यांना विचारण्यात आले. तेव्हा वैभव नाईक यांनी या सगळ्याबाबत वरिष्ठ नेत्यांची चर्चा सुरु असल्याचे म्हटले. पावसामुळे मुंबईतील वातावरण सध्या आल्हाददायक असले तरी राजकीय वातावरण तापल्याचे वैभव नाईक यांनी म्हटले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : rajyasabha election 2022 announce bjp all candidates win election says dhananjay mahadik
Marathi News from Maharashtra Times, TIL Network
Marathi News from Maharashtra Times, TIL Network