Rajyasabha Election voting 2022 | संजय गायकवाड यांनी शिवसेना पक्षप्रमुख उद्धव ठाकरे आणि शरद पवार यांची भेट घेऊन आपण ट्रायडंट हॉटेलमध्ये राहू शकत नाही, असे सांगितले. मात्र, संजय गायकवाड एकटेच हॉटेलमधून बाहेर पडल्यास फोडाफोडीच्या किंवा नाराजीच्या चर्चांना ऊत येण्याची शक्यता होती. तरीही उद्धव ठाकरे यांनी संजय पवार यांना ट्रायडंटमधून बाहेर पडण्याची परवानगी दिली.
हायलाइट्स:
- ट्रायडंट हॉटेलमध्ये एका रुमचं एका दिवसाचं भाडं तब्बल १६ हजार रुपये आहे
- म्हणजेच एक दिवसाचा खर्च ११ लाख २० हजार रुपये आहे
- पक्षाने चार दिवसांसाठी या हॉटेलमध्ये रुम बुक केल्या आहेत
गेल्या दोन दिवसांपासून शिवसेना आमदारांना ट्रायडंट हॉटेलमध्ये ठेवण्यात आले आहे. शिवसेनेने या हॉटेलमध्ये ७० रुम बुक केल्या आहेत. ज्यात पक्षाच्या आमदारांसह अपक्ष आमदारांचाही समावेश आहे. ट्रायडंट हॉटेलमध्ये एका रुमचं एका दिवसाचं भाडं तब्बल १६ हजार रुपये आहे. म्हणजेच एक दिवसाचा खर्च ११ लाख २० हजार रुपये आहे. पक्षाने चार दिवसांसाठी या हॉटेलमध्ये रुम बुक केल्या आहेत. म्हणजेच चार दिवसाचा खर्च जवळपास ४४ लाख ८० हजार रुपये एवढा आहे. पक्षाचा एवढा खर्च होत असल्याची गोष्ट आमदार संजय गायकवाड यांच्या पचनी पडली नाही. त्यांना कार्यकर्ता असतानाचे आपले जुने दिवस आठवले. त्यामुळे संजय गायकवाड यांनी ट्रायडंट हॉटेलमधून बाहेर पडण्याचा निर्णय घेतला.
राष्ट्रवादी-शिवसेनेत बिघाडीची चर्चा; महाडिक म्हणाले, ‘आमचे तीन उमेदवार जिंकले हे आत्ताच जाहीर करा’संजय गायकवाड यांनी शिवसेना पक्षप्रमुख उद्धव ठाकरे आणि शरद पवार यांची भेट घेऊन आपण ट्रायडंट हॉटेलमध्ये राहू शकत नाही, असे सांगितले. मात्र, संजय गायकवाड एकटेच हॉटेलमधून बाहेर पडल्यास फोडाफोडीच्या किंवा नाराजीच्या चर्चांना ऊत येण्याची शक्यता होती. तरीही उद्धव ठाकरे यांनी संजय पवार यांना ट्रायडंटमधून बाहेर पडण्याची परवानगी दिली. त्यानंतर संजय गायकवाड यांनी थेट आमदार निवासातील आपली खोली गाठली आणि तेथेच मुक्काम केला. संजय गायकवाड यांच्या या साधेपणाची सध्या राजकीय वर्तुळात चांगलीच चर्चा रंगली आहे.
शिवसेनेला धाकधूक; काँग्रेस-राष्ट्रवादीच्या एका निर्णयाने वाढणार संजय पवारांची डोकेदुखीराज्यसभा निवडणुकीसाठी मतदानाला सुरुवात
राज्यसभा निवडणुकीसाठी विधिमंडळात सकाळी ९ वाजल्यापासून मतदानाला सुरुवात झाली. भाजप आणि महाविकास आघाडीच्या आमदारांकडून ठरलेल्या रणनीतीनुसार टप्याटप्प्याने मतदान केले जात आहे. आतापर्यंत १४३ आमदारांनी मतदान केले आहे. अजूनही शिवसेनेच्या बहुतांश आमदारांचे मतदान बाकी आहे. काँग्रेस आणि राष्ट्रवादीकडून आपापल्या उमेदवारांसाठी राखून ठेवण्यात आलेला निर्धारित कोटा वाढवण्यात आल्याची चर्चा आहे. त्यामुळे राज्यसभेच्या सहाव्या जागेसाठीची चुरस आणखीनच वाढण्याची शक्यता आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : rajyasabha election 2022 shivsena leader sanjay gaikwad leave trident hotel and stay in amdar niwas mumbai
Marathi News from Maharashtra Times, TIL Network
Marathi News from Maharashtra Times, TIL Network
