Rajyasabha Election 2022: नवाब मलिकांच्या वकिलांची कोर्टात धावाधाव, पण कायदेशीर पेच संपेनात; मतदानाची संधी हुकणार?
२०१४ मध्ये राज्यात भाजप-शिवसेना युतीचे सरकार स्थापन झाल्यावर खडसे मुख्यमंत्रिपदाचे दावेदार मानले जात होते. मात्र, देवेंद्र फडणवीस मुख्यमंत्री झाले. त्यानंतर झालेल्या विविध आरोपांमुळे २०१६ मध्ये त्यांना महसूल मंत्रिपदाचा राजीनामा द्यावा लागला होता. भाजपने २०१९ मध्ये एकनाथ खडसेंना उमेदवारी नाकारून त्यांच्या कन्या रोहिणी खडसे यांना उमेदवारी दिली होती. मात्र, रोहिणी यांचा पराभव झाला. त्यानंतर खडसे कुटुंबीयांच्या मागे `ईडी`चे शुक्लकाष्ठ लागले होते. भाजपकडून विशेषत: देवेंद्र फडणवीसांचे जाहीर नाव घेत, अन्याय झाल्याचा आरोप करत खडसेंनी राष्ट्रवादीत प्रवेश केला. त्यानतंर राज्यपाल नियुक्त विधानसभेच्या १२ सदस्यांत त्यांचे नाव होते. मात्र, अद्यापपर्यंत त्याला राज्यपालांची मंजूरी मिळालेली नसल्याने खडसे राष्ट्रवादीत प्रवेश केल्यानतंर देखील सभागृहाच्या बाहेरच होते. पण, आता राष्ट्रवादीने खडसे यांना विधापरिषदेची उमेदवारी दिल्याने खडसेंचा आमदारकीचा मार्ग मोकळा झाला.
महाविकास आघाडीला दिलासा! आव्हाड, ठाकूर यांची मतं वैधच; भाजपचे आक्षेप फेटाळले
जळगाव जिल्ह्यात २००९ च्या विधानसभा निवडणुकीत ११ पैकी ५ आमदार राष्ट्रवादीचे निवडून आले होते. त्यानतंर जिल्ह्यात हळूहळू राष्ट्रवादीचे वर्चस्व कमी होत गेले. पर्यायाने भाजप व शिवसेनेची जिल्ह्यातील ताकद वाढली होती. आज जिल्ह्यात राष्ट्रवादीचा अवघा एकच आमदार आहे. त्यामुळे जळगाव जिल्ह्यासह खानदेशातील राष्ट्रवादीचे ‘डॅमेज कंट्रोल’ करण्यासाठी एकनाथ खडसे यांचा राष्ट्रवादीला उपयोग होणार आहे. उत्तर महाराष्ट्रात प्रभाव असणारे भाजप नेते अर्थात विरोधी पक्षनेते देवेंद्र फडणवीस यांचे संकटमोचक गिरीश महाजन यांना शह देण्यासाठी खडसेंची भूमिका महत्वाची ठरणार आहे.
भाजपमध्ये असताना खडसे पहिल्या फळीतील नेते मानले जात होते. त्यामुळे आता भाजपा नेते देवेंद्र फडणवीसांसह इतर नेत्यांवर ‘काऊंटर अ‍ॅटॅक’साठी देखील राष्ट्रवादीकडून खडसेंचा फायदा करून घेतला जावू शकतो. प्रमुख विरोधी पक्ष असलेल्या भाजपला शह देण्यासाठी तर खडसेंचा उपयोग होईलच. मात्र, जळगाव जिल्ह्यात महाविकास आघाडीतील मित्रपक्ष असलेल्या शिवसेनेचे वर्चस्व थोपविणे देखील राष्ट्रवादीला एकनाथ खडसे यांच्या माध्यमातून शक्य होणार आहे. आज जळगाव जिल्ह्यात शिवसेनेचे ५ आमदार असून स्थानिक स्वराज्य संस्थांमध्ये देखील दबदबा आहे. शिवसेना नेते मंत्री गुलाबराव पाटील यांना तुल्यबळ नेता म्हणून एकनाथ खडसे जिल्ह्यात राष्ट्रवादीचा प्रभाव वाढवण्यासाठी महत्वाचे ठरणार आहेत. आगामी काळात जळगाव जिल्हा परिषद, जिल्ह्यातील नगरपरिषद निवडणुका, त्यानतंर होणारी जळगाव महापालिका या निवडणुकांच्या दृष्टीने एकनाथ खडसे यांचे ‘कमबॅक’ राष्ट्रवादीला नवसंजीवनी देणारे ठरू शकते.
