उत्तर प्रदेशचे मुख्य सचिव संजय आर. भूसरेड्डी यांनी राज्यातील विभागीय आयुक्त, जिल्हाधिकारी आणि पोलीस अधीक्षकांना पत्र लिहिलंय. या पत्रात यूपी सरकारने राज्यातील मद्य आणि बिअर कंपन्यांना उत्पादन सुरू करण्याची परवानगी दिली आहे. यावरून उत्तर प्रदेशात मद्य विक्री लवकरच सुरू होण्याची शक्यता आहे.
केंद्र सरकारने घालून दिलेल्या सर्व मार्गदर्शक सूचनांचे पालन करत उत्पादन सुरू करावे. सध्या हा आदेश केवळ उत्पादन कंपन्यांना देण्यात आला आहे. दुकानांना मद्य विक्रीची परवानगी अद्याप देण्यात आलेली नाही, असं सचिवांनी पत्रात म्हटलंय.
उत्तर प्रदेश सरकारचा वरील आदेश
११ प्रकारच्या उद्योग सुरू होणार
यूपी सरकारने अत्यावश्यक सेवांसह ११ विविध प्रकारचे उद्योग सुरू करण्यास परवानगी दिली आहे. स्टील, तेल शुद्धीकरण, सिमेंट, रसायन यासह वस्त्रोद्योग ( परिधानाची वस्त्रे सोडून), फाउंड्रीज, पेपर, टायर आणि साखर कारखाने सुरू करण्याची परवानगी देण्यात आली आहे. ५० टक्के कामगारांच्या उपस्थितीची अट उद्योगांना घालण्यात आली आहे. तसंच हॉटस्पॉट नसलेल्या (करोनाचे रुग्ण नसलेल्या) क्षेत्रातीलच उद्योगांनाच काम सुरू करण्याची ही परवानगी आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
