मुसळधार पावसाचा कहर! वीज अंगावर कोसळून तिघांचा मृत्यू, दोन जण गंभीर जखमी – weather report news three killed two seriously injured in lightning strike jalna news

जालना : जालना जिल्ह्यात वेगवेगळ्या ठिकाणी अंगावर वीज कोसळून एका महिलेसह दोन जणांचा दुर्दवी मृत्यू झाला आहे तर दोघे जण गंभीर जखमी झालेत. मृतांमध्ये एका महिलेसह एका २२ वर्षाच्या तरुणाचा आणि एका ४८ वर्षीय व्यक्तीचा ही समावेश आहे.

मिळालेल्या माहितीनुसार, ५५ वर्षीय गंगाबाई जाधव असं मृत्यूमुखी पडलेल्या महिलेचं नाव असून त्या कोदा शिवारातील रहिवासी आहे. तर या महिलेसोबत असणारे दोनजण गंभीर जखमी झालेत. त्यांच्यावर हॉस्पिटलमध्ये उपचार सुरू आहे तर मंठा तालुक्यातील पेवा गावात वीज कोसळून शेतात काम करणाऱ्या अनिल शिंदे या २२ वर्षाच्या तरुणाचा मृत्यू झाला आहे.

अवघ्या ७ महिन्यात साईंच्या झोळीत विक्रमी दान, ६४ लाख भाविकांनी घेतलं दर्शन
तिसऱ्या घटनेत मंठा तालुक्यातील माळकीनी गावात ही वसंत वामनराव जाधव या ४८ वर्षीय व्यक्तीच्या अंगावर वीज कोसळून त्यांचा मृत्यू झाला आहे. जाफ्राबाद तालुक्यातील माहोरा गावातील रेणुका देवी मंदिरावर वीज कोसळून मंदिराचा घुमट कोसळला. यामुळे मंदिराचं मोठं नुकसान झालं. मृग नक्षत्राच्या सुरुवातीलाच जोरदार वादळी वाऱ्यासह विजेच्या कडकडाटहून वीज कोसळून दुर्दवी मृत्यू झाल्याने परिसरात हळहळ व्यक्त केल्या जात आहे.

दोन बायकांचा दादला; मेहुणीसोबतही जुळलं सूत; लग्नाचा आग्रह करताच…; नाशिकमध्ये धक्कादायक घटना