राज्यसभेतील सहाव्या जागेवर मविआचा पराभव झाला. या पराभवाची कारणमिमांसा करण्यासाठी राष्ट्रवादीचे अध्यक्ष शरद पवारांनी पक्षाच्या मंत्र्यांची बैठक बोलावली. या बैठकीत पवारांनी मतं फुटल्याबद्दल नाराजी व्यक्त केली. तर पक्षाच्या मंत्र्यांनी संजय राऊतांच्या विधानांबद्दल पवारांकडे तक्रार केली.

 

ncp ministers complaints about shiv sena mp sanjay raut
संग्रहित छायाचित्र

हायलाइट्स:

  • राऊतांच्या विधानांवर राष्ट्रवादीचे नेते
  • शरद पवारांकडे राऊतांची तक्रार
  • राऊतांमुळे तणाव निर्माण होत असल्याचा दावा
मुंबई: राज्यसभेतील सहाव्या जागेवर शिवसेनेचे उमेदवार संजय पवार यांचा पराभव झाला. हा पराभव शिवसेनेच्या जिव्हारी लागला. या पराभवानंतर शिवसेनेचे खासदार संजय राऊत यांनी अपक्ष आमदारांवर हल्लाबोल केला. अपक्ष आमदारांनी शब्द फिरवल्यानं शिवसेनेचा उमेदवार पराभूत झाल्याचं म्हणत राऊतांनी घोडेबाजाराचा आरोप केला. राऊतांनी केलेल्या आरोपांमुळे राष्ट्रवादीचे नेते नाराज झाल्याचं समजतं. अपक्षांवर आगपाखड करणाऱ्या राऊतांची राष्ट्रवादीच्या नेत्यांनी शरद पवारांकडे तक्रार केली आहे.

राज्यसभा निवडणुकीत सहाव्या जागेवर शिवसेनेच्या संजय पवार यांचा पराभव झाला. त्यामुळे महाविकास आघाडीला धक्का बसला. या पराभवाची कारणमिमांसा करण्यासाठी राष्ट्रवादीचे अध्यक्ष शरद पवारांनी पक्षाच्या आमदारांची बैठक बोलावली होती. अपक्षांची मतं फुटल्यानं शरद पवारांनी या बैठकीत नाराजी व्यक्त केली. तर राष्ट्रवादीच्या आमदारांनी शिवसेनेचे खासदार संजय राऊत यांची पवारांकडे तक्रार केली. राऊतांच्या विधानांमुळे, आरोपांमुळे मविआमध्ये तणाव निर्माण होत असल्याचा आरोप त्यांनी केला.
विधानपरिषद निवडणूक होणारच, १० जागांसाठी ११ उमेदवार मैदानात, बिनविरोधचे प्रयत्न फसले
फुटलेल्या आमदारांमुळे शिवसेनेच्या उमेदवाराचा निवडणुकीत पराभव झाल्याचं विधान राऊत यांनी केलं. देवेंद्र भुयार, शामसुंदर शिंदे, संजय मामा शिंदे या अपक्ष आमदारांची नावं घेत राऊत यांनी घोडेबाजाराचे आरोप केले. राऊतांच्या विधानांमुळे मविआला पाठिंबा देणाऱ्या अपक्ष आमदारांमध्ये अविश्वास निर्माण होईल. अनेक आमदारांनी आताच त्यांची नाराजी बोलून दाखवली आहे. विधान परिषदेच्या निवडणुकीच्या तोंडावर ही नाराजी मविआला परवडणारी नाही, असा सूर राष्ट्रवादीच्या मंत्र्यांनी आळवला.
सदाभाऊ खोत यांची तलवार म्यान, विधान परिषदेचा अर्ज शेवटच्या मिनिटाला मागे
देवेंद्र भुयार शरद पवारांपाठोपाठ अजित पवारांच्या भेटीला
संजय राऊतांनी केलेल्या आरोपांनंतर अपक्ष आमदार देवेंद्र भुयार यांनी राष्ट्रवादीचे अध्यक्ष शरद पवार यांची काल भेट घेतली. त्यांनी आपल्या बाजू पवारांकडे मांडली. त्यावेळी तुझ्याबद्दल आम्हाला अजिबात शंका नाही, असं म्हणत पवारांनी भुयार यांच्याबद्दल विश्वास व्यक्त केला. यानंतर आज भुयार यांनी उपमुख्यमंत्री अजित पवारांची भेट घेतली. मतदान करताना पसंतीच्या मतांबद्दल मला सूचना देण्यात आल्या होत्या. त्यानुसार पहिल्या पसंतीचं मत संजय पवारांना, दुसऱ्या पसंतीचं काम संजय राऊतांना आणि तिसऱ्या पसंतीचं मत प्रफुल्ल पटेल यांना दिलं. मग आमच्याबद्दल असा अविश्वास का दाखवला जातो, असा सवाल भुयार यांनी विचारला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : ncp ministers complaints about shiv sena mp sanjay raut to sharad pawar
Marathi News from Maharashtra Times, TIL Network

LEAVE A REPLY

Please enter your comment!
Please enter your name here