पाकिस्तानातील रशियन राजदूत दानिला गनिच यांनी इम्रान खान यांचा दावा फेटाळून लावला आहे. वृत्तसंस्था एएनआयनं हे वृत्त दिलं आहे. ‘इम्रान खान यांच्या नेतृत्त्वाखालचं सरकार असताना पाकिस्तानी आणि रशियन अधिकाऱ्यांमध्ये केवळ संवाद सुरू होता. त्यावेळी कोणताही करार झाला नव्हता. खान पायउतार झाल्यानंतर शाहबाझ शरीफ सत्तेवर आले. त्यानंतरही चर्चा सुरू राहिली,’ अशी माहिती गनिच यांनी दिली.
दानिला गनिच यांनी खान यांच्या दाव्याचं खंडन केलं. ‘पाकिस्तानला स्वस्त दरात गहू आणि तेल देण्यासाठी कोणत्याही प्रकारचा करार झालेला नाही,’ असं गनिच म्हणाल्या. युक्रेनवर हल्ला केल्यानं रशियावर पाश्चिमात्य देशांनी निर्बंध लादले आहेत. त्यामुळे पाकिस्तानला रशियासोबत व्यापार करता येत नाहीए. निर्बंधांमुळे रशिया डॉलरमध्ये व्यापार करू शकत नाही. त्यामुळे भारताप्रमाणेच पाकिस्तानदेखील व्यापाऱ्याचे नवे मार्ग शोधत आहे.
सोन्याची बिस्किटं, नाणी, तोफा; समुद्राच्या तळाशी जहाजांमध्ये सापडला अब्जावधींचा खजिना
पाकिस्तान रशियाकडून तेल आणि गव्हाची आयात करत असून त्यासाठी वस्तू विनिमय प्रणालीचा वापर केला जात असल्याच्या बातम्या पाकिस्तानी माध्यमांमध्ये आल्या होत्या. पाकिस्तान रशियाकडून तेल आणि गहू सवलतीच्या दरात खरेदी करत आहे. त्याबदल्यात पाकिस्तान रशियाला वस्तू देत आहेत, अशा बातम्या पाकिस्तानी माध्यमांमध्ये पाहायला मिळत होत्या.
अद्भुत! अद्वितीय!! संशोधकांना डायनोसॉरच्या अंड्यात सापडलं अंडं; मध्य प्रदेशात चमत्कार
पाश्चिमात्य देशांनी रशियावर निर्बंध घातल्यानंतरही भारतानं रशियासोबतचा व्यापार सुरूच ठेवला. त्यावरून पाश्चिमात्य देशांनी भारतावर जोरदार टीका केली होती. मात्र तरीही भारतानं आपली स्वतंत्र परदेश धोरण कायम ठेवलं. अमेरिका, युरोपियन युनियननं रशियावर निर्बंध लादले असताना भारतानं रशियाकडून खनिज तेलाची खरेदी केली. भारताच्या या परराष्ट्र धोरणाचं पाकिस्तानचे माजी पंतप्रधान इम्रान खान यांनी तोंडभरून कौतुक केलं होतं.
