अभिजीत बिचुकले यांनी याबाबत प्रसारमाध्यमांना नुकतीच माहिती दिली. त्यांनी म्हटले की, आता माझा असा एक डावपेच सुरू आहे, आपल्या न्यायपालिका असतील, केंद्रातील निर्णय असतील, या सगळ्या यंत्रणा राष्ट्रपतीपदाच्या दबावाखाली असतात. म्हणून त्या पदावरून योग्य निर्णय घेऊ शकत नाही. राष्ट्रपतींनी बऱ्याच गोष्टी देशासाठी करायच्या आहेत. पण त्या करत नाहीत, म्हणून मी देशातील आमदार, खासदार यांच्याशी बोलत आहे. सांगली, कोल्हापूर, पुण्यातील खासदारांशी चर्चा सुरू आहे. अर्जावर अनुमोदन करण्याची संख्या मिळाली, तर माझा अर्ज १०० टक्के जाणार, असे अभिजीत बिचुकले यांनी म्हटले.
Presidential Polls: शरद पवारांसाठी दिल्लीत हालचाली; केजरीवालांचा ‘आप’ देणार पाठिंबा?मी सध्या पश्चिम बंगाल, उत्तर प्रदेश आणि महाराष्ट्रातील काही आमदारांशी खासदारांशी सह्या देण्यासंदर्भात बोलत आहे. मी बहुजन समाजातील आहे, अतिशय निर्व्यसनी, सुशिक्षित आणि कायद्याची माहिती आहे हे मी पंतप्रधान नरेंद्र मोदी यांना सांगितलं होतं. परंतु त्यावेळी त्यांनी कोणीतरी कोविंदसाहेब शोधून आणले आणि त्यांना देशाचं राष्ट्रपतीपद दिलं. त्यांना बहुमतामुळे ते जमले, असेही अभिजीत बिचुकले यांनी सांगितले.
राष्ट्रपतीपदासाठी बौद्धिक क्षमता आणि उंची लागते; सदावर्तेंची शरद पवारांवर पुन्हा टीका
राष्ट्रपतीपदाबाबत बोलताना गुणरत्न सदावर्ते यांनी आधीच्या राष्ट्रपतींचाही दाखला दिला. ‘चर्चेसाठी शरद पवार यांचं नाव ठीक आहे, पण राष्ट्रपती होण्यासाठी बौद्धिक क्षमता लागते. या पदावर यापूर्वी कोण-कोण होते ते बघा. याआधीच्या राष्ट्रपतींनी आपआपल्या क्षेत्रात उंची गाठली होती. त्यामुळे पवारांना हे सांगावं लागेल की ते नक्की कशात परिपूर्ण आहेत,’ असं सदावर्तेंनी म्हटलं आहे.
