dombiwali suicide case: वडिलांसोबतचा वाद विकोपाला गेला; तरुणाने थेट लोकलखाली उडी घेऊन संपवलं जीवन – dombivali, two youths committed suicide in two days latest updates

डोंबिवली : डोंबिवलीत दोन दिवसांत दोन तरुणांनी आत्महत्या केल्याची घटना समोर आल्याने शहरात खळबळ उडाली आहे. धावत्या लोकल समोर येऊन एका तरुणाने आत्महत्या केल्याची घटना डोंबिवली ते कोपर रेल्वे स्थानकादरम्यान गुरुवारी घडली. गुरुवारी दुपारी साडेबारा वाजण्याच्या सुमारास घडलेल्या या घटनेची नोंद डोंबिवली लोहमार्ग पोलीस ठाण्यात करण्यात आली आहे, तर याच मार्गावर बुधवारी रुळावरून चालत जात लोकलसमोर येऊन एका डोंबिवलीकर तरुणाने आत्महत्या केली.

रेल्वेकडून मिळालेल्या माहितीनुसार, निखिल श्रीकांत ओहल (१८) असं गुरुवारी आत्महत्या केलेल्या तरुणाचं नाव आहे. डोंबिवली पूर्वेकडे असलेल्या आयरेगावातील समतानगर झोपडपट्टीत राहणाऱ्या निखिलने गुरुवारी दुपारी साडेबारा वाजण्याच्या सुमारास डोंबिवली ते कोपर रेल्वे स्टेशनसमोर धावत्या लोकल समोर येऊन आपली जीवनयात्रा संपवली. मोटरमनने रेल्वे स्टेशन प्रबंधकांना सदर घटनेची माहिती दिली.

आईने पोटच्या मुलासह मृत्यूला कवटाळले; मुलगी अन् नातवाचा मृतदेह पाहून वडिलांचा आक्रोश

स्टेशन प्रबंधकांनी डोंबिवली लोहमार्ग पोलिसांना माहिती दिल्यानंतर पोलीस घटनास्थळी दाखल झाल्याची माहिती वरिष्ठ पोलीस निरीक्षक मुकेश ढगे यांनी दिली. मात्र निखिलने का आत्महत्या केली हे अद्याप समजलेलं नाही. या घटनेपूर्वी बुधवारी कोपर ते दिवा रेल्वे स्थानकादरम्यान एका तरुणाचा मृत्यू झाला. डोंबिवली पूर्वकडील म्हात्रेनगरमध्ये राहणाऱ्या एका तरुणाने कोपर ते दिवा स्थानकादरम्यान ट्रॅकवर चालत जाऊन आणि लोकलसमोर उडी घेत आत्महत्या केली. बुधवारी सकाळी सव्वाअकरा वाजण्याच्या सुमारास ही घटना घडली. करण अर्जुन शेट्टी असे मृत्यू झालेल्या तरुणाचे नाव आहे. शेट्टी याचे वडिलांसोबत भांडण झाले होते. या रागातून त्याने आत्महत्या केल्याचं लोहमार्ग पोलिसांनी सांगितलं.