राज्यसभेपाठोपाठ आता विधान परिषदेची रणधुमाळी सुरू झाली आहे. लहान पक्ष आणि अपक्षांचा पाठिंबा मिळवण्यासाठी भाजप आणि मविआची पळापळ सुरू आहे. बविआची ३ मतं पदरात पाडून घेण्यासाठी भाजपच्या नेत्यांनी लोकलनं विरार गाठलं.
हायलाइट्स:
- विधान परिषदेची रणधुमाळी जोरात
- लहान पक्षांच्या पाठिंब्यासाठी पळापळ
- भाजप नेते लोकलनं विरारला पोहोचले
राज्यसभेपाठोपाठ विधान परिषद निवडणुकीतही लहान पक्ष मोठी भूमिका बजावणार आहेत. विधानसभेत बहुजन विकास आघाडीचे तीन आमदार आहेत. या तिघांची मतं मिळावीत यासाठी भाजप प्रयत्नशील आहे. त्यासाठी प्रवीण दरेकर आणि गिरीश महाजन बविआचे अध्यक्ष हितेंद्र ठाकूर यांच्या भेटीला गेले. ठाकूर विरारमध्ये राहतात. त्यांच्या भेटीसाठी महाजन आणि दरेकर चक्क रेल्वेनं रवाना झाले.
नातेवाईक, मित्रांसोबत वावर टाळा! शिवसेनेकडून आमदारांना सूचना; आदित्य हॉटेलमध्ये मुक्कामालाभाजप नेते प्रसाद लाड आणि निरंजन डावखरे यांनी काल हितेंद्र ठाकूर यांची भेट घेतली होती. यानंतर आज महाजन आणि दरेकर ठाकूर यांच्या भेटीला पोहोचले. प्रवासाचा वेळ वाचावा यासाठी त्यांनी लोकल ट्रेनमधून प्रवास करणं पसंत केलं. विधानसभेत बविआचे तीन आमदार आहेत. त्यांच्या मतांसाठी भाजप आणि मविआमध्ये रस्सीखेच सुरू आहे.
हितेंद्र ठाकूर स्वत: आमदार आहेत. त्यांचे पुत्र क्षितिज ठाकूरदेखील विधानसभेचे सदस्य आहेत. मात्र ते सध्या अमेरिकेत आहेत. त्यांनी लवकरात लवकर भारतात परतावं आणि आपल्या बाजूनं मतदान करावं यासाठी भाजप आणि मविआचे प्रयत्न सुरू आहेत. राष्ट्रवादीचे नेते आणि विधानपरिषदेचे सभापती रामराजे निंबाळकर यांनीदेखील ठाकूर यांची भेट घेतली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : vidhan parishad election pravin darekar and girish mahajan went to meet hitendra thakur through local train
Marathi News from Maharashtra Times, TIL Network
Marathi News from Maharashtra Times, TIL Network
