राज्यसभेपाठोपाठ आता विधान परिषदेची रणधुमाळी सुरू झाली आहे. लहान पक्ष आणि अपक्षांचा पाठिंबा मिळवण्यासाठी भाजप आणि मविआची पळापळ सुरू आहे. बविआच्या ३ मतांसाठी भाजप, राष्ट्रवादीचे प्रयत्न सुरू आहेत.
हायलाइट्स:
- विधान परिषदेची रणधुमाळी जोरात
- लहान पक्षांचा भाव वधारला
- बविआच्या पाठिंब्यासाठी भाजप, राष्ट्रवादीचे प्रयत्न
बहुजन विकास आघाडीचे विधानसभेत तीन आमदार आहेत. बविआचे अध्यक्ष हितेंद्र ठाकूर, त्यांचे पुत्र क्षितिज ठाकूर आणि राजेश पाटील विधानसभेचे सदस्य आहेत. त्यांच्या पाठिंब्यासाठी भाजप आणि राष्ट्रवादीचे प्रयत्न सुरू आहेत. भाजप नेते प्रविण दरेकर आणि गिरीश महाजन यांनी थोड्या वेळापूर्वीच विरारला येऊन ठाकूर यांची भेट घेतली. विशेष म्हणजे ठाकूर यांच्या भेटीसाठी त्यांनी लोकलनं प्रवास करत विरार गाठलं. तत्पूर्वी काल प्रसाद लाड आणि निरंजन डावखरे यांनी ठाकूर यांची भेट घेतली.
‘ती’ चूक पुन्हा नको! शिवसेना लागली कामाला; हॉटेलमध्ये हालचाली वाढल्यादुसऱ्या बाजूला राष्ट्रवादीदेखील बविआचा पाठिंबा मिळवण्यासाठी प्रयत्नशील आहे. विधान परिषदेचे सभापती रामराजे निंबाळकर यांनी परवा हितेंद्र ठाकूर यांची विरारमध्ये भेट घेतली. यानंतर बविआची दोन मतं राष्ट्रवादीला मिळण्याची शक्यता आहे. त्यासाठी खुद्द शरद पवारांनी प्रयत्न केल्याचं समजतं. बविआचे आमदार क्षितिज ठाकूर सध्या परदेशात आहेत. त्यामुळे ते विधान परिषदेच्या निवडणुकीत मतदान करणार नाहीत. मात्र बविआची उर्वरित दोन मतं राष्ट्रवादीला मिळणार असल्याचं वृत्त टीव्ही ९ मराठीनं सुत्रांच्या हवाल्यानं दिलं आहे.
निवडणूक नेत्यांना काय काय करायला लावते! अवघ्या ३ मतांसाठी महाजन, दरेकरांचा लोकल प्रवास१० जागांसाठी ११ उमेदवार रिंगणात
विधान परिषदेच्या १० जागांसाठी २० जूनला मतदान होणार आहे. १० जागांसाठी एकूण ११ उमेगवार रिंगणात आहेत. १० व्या जागेसाठी भाजपचे प्रसाद लाड आणि काँग्रेसचे भाई जगताप यांच्यात लढत होईल. प्रत्येक उमेदवाराला विजयासाठी २७ मतांची आवश्यकता आहे. राष्ट्रवादीकडून रामराजे निंबाळकर आणि एकनाथ खडसे यांना उमेदवारी देण्यात आली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : vidhan parishad election bahujan vikas aghadi might vote for ncp candidate
Marathi News from Maharashtra Times, TIL Network
Marathi News from Maharashtra Times, TIL Network
