शिवसेना आता ‘ताकही फुंकून’ पितेय, आमदारांची घेतली अशी रंगीत तालीमतत्पूर्वी शनिवारी रात्री उशीरापर्यंत भाजपच्या गोटात खलबतं सुरु होती. देवेंद्र फडणवीस यांच्या सागर बंगल्यावर काल रात्री एक बैठक पार पडली. या बैठकीला गिरीश महाजन, चंद्रशेखर बावनकुळे आणि प्रवीण दरेकर हे नेते उपस्थित होते. यावेळी विधानपरिषदेत मतांचं गणित कशाप्रकारे जुळवायचं, यावर चर्चा झाल्याची माहिती आहे. देवेंद्र फडणवीस आज दुपारी चार वाजता भाजपच्या आमदारांशी संवाद साधतील. दुपारी चार ते सहा स्थानिक स्वराज्य संस्थांच्या निवडणुकांबाबत आमदारांना मार्गदर्शन केले जाईल. सहा वाजल्यानंतर देवेंद्र फडणवीस आमदारांना विधानपरिषद निवडणुकीची रणनीती समजावून सांगतील. राज्यसभा निवडणुकीनंतर महाविकास आघाडी सावध झाली आहे. त्यामुळे आता विधानपरिषद निवडणुकीत देवेंद्र फडणवीस कशाप्रकारे व्यूहरचना करणार, हे पाहावे लागेल.
…तर सरकार प्रचंड अडचणीत येईल!, कसे आहे विधान परिषदेचे गणित? पाहा…
फडणवीसांची हितेंद्र ठाकूरांसोबत फोनवरुन चर्चा
राज्यसभा निवडणुकीप्रमाणे विधानपरिषद निवडणुकीतही लहान पक्ष आणि अपक्ष आमदारांची मतं महत्त्वाची ठरणार आहेत. यामध्ये बहुजन विकास आघाडीचे हितेंद्र ठाकूर यांची भूमिका निर्णायक ठरेल. बविआच्या तीन आमदारांची मतं भाजपच्या उमेदवाराला मिळावीत, यासाठी फडणवीसांनी हितेंद्र ठाकूर यांना फोन केल्याची माहिती आहे. तर गिरीश महाजन आणि प्रवीण दरेकर यांनी विरारला ठाकूरांच्या घरी जाऊन त्यांची भेट घेतली आहे. आता सोमवारी होणाऱ्या मतदानावेळी बविआचे आमदार कोणाच्या पारड्यात दान टाकणार, हे पाहावे लागेल.
