भाजपकडे असलेलं संख्याबळ पाहता त्यांचे ४ उमेदवार निवडून येऊ शकतात. भाजप आणि मित्रपक्ष यांच्याकडे एकूण ११३ मतं आहेत. एका उमेदवाराला विजयासाठी २७ मतांची गरज आहे. त्यामुळे भाजपचे पाचवे उमेदवार असलेल्या प्रसाद लाड यांचा विजय अवघड मानला जात आहे. त्यांना निवडून आणण्यासाठी पुरेसं संख्याबळ भाजपकडे नाही. राज्यसभा निवडणुकीत भाजपला १२३ मतं मिळाली होती. आताही तितकीच मतं मिळाली, तरीही लाड विजयी होऊ शकणार नाहीत.
फडणवीसांनी आमदार फोडला?; राज्यसभेवेळी मविआसोबत असलेला आमदार आता भाजपच्या गटात
राज्यसभेवेळी फडणवीसांची यशस्वी रणनीती
देवेंद्र फडणवीस यांनी राज्यसभा निवडणुकीवेळी मतांचं उत्तम नियोजन केलं होते. त्यावेळी एका उमेदवाराला विजयासाठी ४२ मतांची गरज होती. तिसरे उमेदवार धनंजय महाडिक यांच्यासाठी भाजपकडे पुरेशी मतं नव्हती. मात्र तरीही भाजपनं पहिल्या दोन उमेदवारांना प्रत्येकी ४८ आमदारांचा कोटा दिला. इतक्या आमदारांचा कोटा देऊनही फडणवीसांनी महाडिक यांना निवडून आणलं. अपक्ष आणि लहान पक्षांमुळे हे शक्य झालं.
मुख्यमंत्र्यांची स्ट्रॅटेजी, आदित्यंची खंबीर साथ, मंत्र्यांचंही जातीने लक्ष, सेनेचं जबरा प्लॅनिंग
आता फडणवीसांची रणनीती काय?
राज्यसभेवेळी खुलं मतदान होतं. आपण कोणाला मतदान केलं आहे, ते आमदारांना आपल्या पक्षाच्या प्रतोदाला दाखवायचं होतं. मात्र विधान परिषदेवेळी गुप्त मतदान आहे. त्यामुळे भाजपच्या पाचव्या उमेदवाराची मदार ही पूर्णपणे अपक्ष आणि लहान पक्षांवर आहे. याशिवाय मविआच्या काही मतं फुटतात का याकडेही फडणवीसांचं लक्ष आहे. तसं झाल्यास फडणवीसांचा मविआला हा दुसरा धक्का असेल.
