vidhan parishad election: पुढच्यावेळी महालक्ष्मीच्या रेसकोर्सवर घोडेबाजार होईल! ठाकूरांचा राग नेमका कोणावर? – vidhan parishad election bva chief hitendra thakur express displeasure about horse trading allegations

यावेळी हितेंद्र ठाकूर यांना घोडेबाजाराबद्दल प्रश्न विचारण्यात आला. ‘निवडणुकीत घोडेबाजार झाला असेल तर तसं जाहीर करावं. त्याची चौकशी करावी. कोणी काय घोडेबाजार केला ते एकदा जाहीर करून टाकावं. मी अमुकाकडून अमूक घेतलं. तमुकाकडून तमूक घेतलं, असं स्पष्टपणे सांगावं,’ असं ठाकूर यांनी म्हटलं. पुढच्यावेळी आपण महालक्ष्मीलाच मतदान घेऊ. महालक्ष्मीला मोठं रेसकोर्स आहे. तिकडे घोडेबाजार होईल, असं विधान त्यांनी केलं.
अटकेची टांगती तलवार, तरीही रवी राणा मतदानाला पोहोचले; उद्धव ठाकरेंबद्दल ‘भरभरुन’ बोलले
ठाकूर यांच्या निशाण्यावर राऊत?
राज्यसभा निवडणुकीत शिवसेनेचे उमेदवार संजय पवारांचा पराभव झाला. त्यानंतर शिवसेना खासदार संजय राऊत यांनी लहान पक्ष आणि अपक्ष आमदारांबद्दल नाराजी व्यक्त केली. राज्यसभा निवडणुकीत मित्रपक्षांनी आमच्याशी दगाबाजी केली नाही. पण घोडेबाजारात उभे होते, त्यांची सहा सात मतं आम्हाला मिळाली नाहीत. आम्ही कोणत्या व्यवहारात पडलो नाही. तरीही संजय पवार यांना पहिल्या पसंतीची ३३ मतं मिळाली. हा सुद्धा आमचा एक विजय आहे. ज्या कुणी शब्द देऊन दगाबाजी केली त्यांची यादी आमच्याकडे आहे. बहुजन विकास आघाडीच्या तीन आमदारांची मतं आम्हाला मिळाली नाहीत. करमाळ्याचे आमदार संजय मामा शिंदे, लोह्याचे आमदार शामसुंदर शिंदे, स्वाभिमानीचे आमदार देवेंद्र भुयार यांनी मतं दिली नाहीत, असा दावा संजय राऊत यांनी केला.