Raj Thackeray hip bone surgery | येत्या चार ते पाच दिवसांमध्ये राज ठाकरे यांना रुग्णालयातून घरी सोडले जाईल. मात्र, घरी गेल्यानंतर राज ठाकरे यांना फिजिओथेरपी घेणे आवश्यक आहे. जेणेकरून त्यांच्या शारीरिक हालचाली या पूर्वीसारख्या सहज होण्यास मदत होईल. मात्र, या काळात राज ठाकरे (Raj Thackeray) यांना संपूर्णपणे आराम करावा लागणार आहे.
हायलाइट्स:
- महापालिकांच्या निवडणुकाही अवघ्या काही महिन्यांवर येऊन ठेपल्या आहेत
- राज ठाकरे यांना कोणतीही सभा किंवा पक्षाच्या कार्यक्रमांना उपस्थित राहता येणार नाही
राज ठाकरे यांच्यावर शस्त्रक्रिया करणाऱ्या डॉ. जलील पारकर आणि डॉ. विनोद अग्रवाल यांनी प्रसारमाध्यमांशी संवाद साधला. यावेळी त्यांनी शस्त्रक्रियेनंतर राज ठाकरे यांची प्रकृती उत्तम असल्याची माहिती दिली. येत्या चार ते पाच दिवसांमध्ये राज ठाकरे यांना रुग्णालयातून घरी सोडले जाईल. मात्र, घरी गेल्यानंतर राज ठाकरे यांना फिजिओथेरपी घेणे आवश्यक आहे. जेणेकरून त्यांच्या शारीरिक हालचाली या पूर्वीसारख्या सहज होण्यास मदत होईल. मात्र, या काळात राज ठाकरे यांना संपूर्णपणे आराम करावा लागणार आहे.
‘अहो, फार धावायला मी काय पाकिटमार आहे का?’ डॉक्टरांच्या वक्तव्यावर राज ठाकरेंची मिश्किल टिप्पणी
‘राज ठाकरे यांना इतक्यात पायावर जोर देऊन चालणार नाही’
शस्त्रक्रिया झाल्यानंतर राज ठाकरे यांना लगेच पायावर जोर देऊन चालणार नाही. त्यामुळे राज ठाकरे यांना फारवेळ उभे राहता येणार नाही. त्यांना पुढील काही दिवस आधार घेऊन चालावे लागेल. परिणामी पुढील दोन-तीन महिने राज ठाकरे यांना सभा घेण्यास पूर्णपणे मनाई करण्यात आली आहे. या काळात राज ठाकरे मनसैनिकांशी ऑनलाईन संवाद साधण्यासारखे पर्याय आजमवू शकतात. तसेच राज ठाकरे सक्रिय नसल्यास अमित ठाकरे महापालिका निवडणुकांची जबाबदारी खांद्यावर घेऊ शकतात.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : mns chief raj thackeray hip bone surgery have to walk with support for next 2 3 months
Marathi News from Maharashtra Times, TIL Network
Marathi News from Maharashtra Times, TIL Network
