Vidhan Parishad Election 2022 | दुसऱ्या आणि तिसऱ्या पसंतीच्या मतांची मोजणी केली असता काँग्रेसचे भाई जगताप काठावर विजयी झाले. तर पाचव्या जागेवरून भाजपचे प्रसाद लाड यांनी काँग्रेसच्या चंद्रकांत हंडोरे यांना धूळ चारत विजय खेचून आणला. काँग्रेसकडे ४४ आमदारांचे संख्याबळ असूनही शेवटपर्यंत त्यांना दोन्ही उमेदवारांच्या विजयासाठी ताटकळत राहावे लागले.
हायलाइट्स:
- विधानपरिषदेच्या एका जागेवर निवडून येण्यासाठी २६ मतं आवश्यक होती
- काँग्रेसकडे ४४ आमदारांचे संख्याबळ असल्याने यापैकी एक उमेदवार सहज विजयी होईल
- मतमोजणी सुरु झाल्यानंतर काँग्रेस पक्षाला मोठा धक्का बसला आहे
मात्र, दुसऱ्या आणि तिसऱ्या पसंतीच्या मतांची मोजणी केली असता काँग्रेसचे भाई जगताप काठावर विजयी झाले. तर पाचव्या जागेवरून भाजपचे प्रसाद लाड यांनी काँग्रेसच्या चंद्रकांत हंडोरे यांना धूळ चारत विजय खेचून आणला. काँग्रेसकडे ४४ आमदारांचे संख्याबळ असूनही शेवटपर्यंत त्यांना दोन्ही उमेदवारांच्या विजयासाठी ताटकळत राहावे लागले. उर्वरित तिन्ही पक्षांचे पहिल्या पसंतीची मते मिळालेले उमेदवार पहिल्या फटक्यातच निवडून आले.
एकनाथ खडसे यांचा वनवास संपला, ३ वर्षानंतर पुन्हा विधिमंडळात आवाज घुमणार!भाजपने मविआची २० मतं फोडली
भाजपने राज्यसभा निवडणुकीपेक्षा आणखी १० जास्त मतं फोडून महाविकास आघाडीला मोठा धक्का दिला आहे. भाजपला पहिल्या पसंतीची एकूण १३३ मतं मिळाली आहेत. शिवसेनेच्या एकूण ५५ मतांच्या कोट्यांपैकी फक्त ५२ मते त्यांना मिळाली आहेत. त्यामुळे शिवसेनेची तीन मतं फुटल्याचे सांगितले जात आहे. तर काँग्रेसकडे एकूण ४४ आमदार होते. मात्र, काँग्रेसच्या दोन्ही उमेदवारांना मिळून एकूण ४१ मते मिळाली आहेत. त्यामुळे त्यांचीही तीन मतं फुटल्याचे निष्पन्न झाले आहे.
रामराजेंची हॅट्रिक, पहिल्याच फेरीत दणदणीत विजय, विधान परिषदेत रामराज्य कायम!भाजपचे पाचही उमेदवार जिंकले
दुसरीकडे भाजपचे चारही उमेदवार पहिल्या फटक्यात विजयी झाले आहेत. भाजपचे प्रविण दरेकर, श्रीकांत भारतीय, उमा खापरे आणि राम शिंदे हे पहिल्याच पसंतीच्या मतांच्या आधारे निवडून आले. यापैकी श्रीकांत भारतीय आणि राम शिंदे यांना प्रत्येकी ३० मतं मिळाली. तर प्रविण दरेकर यांना २९ मते मिळाली आणि उमा खापरे या २६ मतांचा कोटा पूर्ण करून विजयी झाल्या. तर दहाव्या जागेवरील चुरशीच्या लढतीमध्ये प्रसाद लाड यांनी बाजी मारली.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : bjp prasad lad won 5th seat of mlc election vidhan parishad election 2022 bhai jagtap win chandrakant handore lost election
Marathi News from Maharashtra Times, TIL Network
Marathi News from Maharashtra Times, TIL Network
