vidhan parishad election 2022 results | पत्रकारांशी संवाद साधत असतानाच भाजपचे विजयी उमेदवार प्रसाद लाड हे बाजूने जात असाताना भाईंना दिसले. तेव्हा भाई जगताप यांनी सर्व सोडून प्रसाड लाडांना हाक मारली. त्यांच्या गळ्यात हात टाकून या विजयाचं श्रेय त्याचं आहे असं म्हणत लाडांचं कौतुक केलं. त्यानंतर हात मिळवत त्यांचं अभिनंदनही केलं, त्यांच्या पाठीवर कौतुकाची थाप दिली. “हा खरा जिंकलाय, तुम्ही आम्हा दोघांना तुम्ही विरोधक म्हणून पाहिलं असेल.
हायलाइट्स:
- राजकारणात उलटफेर होतात
- पण ज्या पद्धतीने आमचे चंद्रकांत हंडोरे हे पराभूत झाले आहेत, ते अतिशय धक्कादायक आहे
- मी जरी जिंकलो असलो आणि तरी मला माझ्या जिंकण्याचा आनंद तितका नाहीये
पत्रकारांशी संवाद साधत असतानाच भाजपचे विजयी उमेदवार प्रसाद लाड हे बाजूने जात असाताना भाईंना दिसले. तेव्हा भाई जगताप यांनी सर्व सोडून प्रसाड लाडांना हाक मारली. त्यांच्या गळ्यात हात टाकून या विजयाचं श्रेय त्याचं आहे असं म्हणत लाडांचं कौतुक केलं. त्यानंतर हात मिळवत त्यांचं अभिनंदनही केलं, त्यांच्या पाठीवर कौतुकाची थाप दिली. “हा खरा जिंकलाय, तुम्ही आम्हा दोघांना तुम्ही विरोधक म्हणून पाहिलं असेल. पण, तोही जिंकलाय मी पण जिंकलोय. त्याच्या विजयाचं श्रेय त्याला जातं, हे मला प्रसारमाध्यमांपुढे कबुल करायचं होतं, म्हणून प्रसाद लाड यांना बोलावलं”, असं भाई जगताप म्हणाले. तसेच, “तेवढा मनाचा राजा आहे मी”, असंही ते यावेळी म्हणाले.
विधानपरिषदेच्या निकालांनी शिवसेनेच्या गोटात भूकंप, वर्षा बंगल्यावर मध्यरात्री तातडीची बैठकहंडोरेंच्या पराभवाचं जास्त दु:ख- भाई जगताप
“राजकारणात उलटफेर होतात, पण ज्या पद्धतीने आमचे चंद्रकांत हंडोरे हे पराभूत झाले आहेत, ते अतिशय धक्कादायक आहे. याची कल्पनाही करु शकत नव्हतो आणि करवतही नाही. मी जरी जिंकलो असलो आणि तरी मला माझ्या जिंकण्याचा आनंद तितका नाहीये, जितकं मला हंडोरे यांच्या पराभवाचं दु:ख आहे. त्यामुळे त्या गोष्टीचा आम्ही पडताळा करुच ते समजेलच. त्या पद्धतीची यंत्रणा आम्ही भवती लावली आहे. हे अतिशय धक्कादायक आहे. एक गोष्ट मान्यच करावी लागेल, विरोधकांनी त्यांच्या पद्धतीने त्यांच्या योजनेने जे काही केलं ते मानावच लागेल”, असं म्हणत भाई जगताप यांनी भाजपचं कौतुक केलं.
महाविकास आघाडी सरकार अडचणीत? विधानपरिषदेच्या निकालाचा अर्थ काय सांगतो?कोणी कसलीही कारणमीमांसा केली तरी राज्यसभेत अपक्षांवर खापर फोडलं गेलं. पण हे खरं आहे की आज प्रत्येक पक्षातील त्यांची स्वत:ची मतं फुटली आहेत. याचा गांभीर्याने विचार व्हायला हवा. काँग्रेसचीही काही मतं फुटली आहेत. शिवसेनेचीही मतं फुटली आहेत. त्यातल्या त्यात राष्ट्रवादी जरा बऱ्या स्थितीत आहे. याचं अनॅलिसीस उद्याच होऊ शकेल. कुठे काय दगा फटका झाला, याचा आम्ही सर्व बसून कारणमिमांसा करु. मी प्रांजळपणे कबुल करतोय की अतिशय धक्कादायक असा हा निकाल आहे. अतिशय वाईट पद्धतीने आमचा पराभव झाला आहे. जशा राज्यसभेतील गोष्टी उघड झाल्या तशाच याही गोष्टी उघड होतील, मग त्यावर निर्णय घेता येईल. उद्या मी दिल्लीला जातोय, परवा दिल्लीला आंदोलन सर्वच आमदार दिल्लीला जाणार, तेव्हा पक्षश्रेष्ठींना भेटणार. हंडोरंचं पुनर्वसन व्हायलाच हवं, पण जे कोणी अशा पद्धतीने पक्षाशी गद्दारी केली, त्यावर गांभीर्याने विचार केला जाईल आणि कारवाई होणार”, असंही भाई जगताप म्हणाले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : congress bhai jagtap praises and congratulate bjps vidhan parishad candidate prasad lad for winning mlc election 2022
Marathi News from Maharashtra Times, TIL Network
Marathi News from Maharashtra Times, TIL Network
