वर्धा : हिंगणघाट येथील शिक्षिकेच्या जळीत कांड प्रकरणाने संपूर्ण राज्याला हादरा बसला होता. त्या प्रकरणाच्या आरोपीला काही महिन्यापूर्वीच मरेपर्यंत जन्मठेपची शिक्षा हिंगणघाट न्यायालयाने सुनावली आहे. ही घटना ताजी असतानाच या प्रकरणातील पीडिता ज्या गावातील होती त्याच गावातील एका युवतीला तू जर माझ्याशी बोलली नाहीस तर तुलाही अंकितासारखे जाळून जिवे मारुन टाकेल, असे म्हणत युवतीचा विनयभंग केल्याची घटना समोर आली आहे.
ही घटना दारोडा गावातील बसस्थानक परिसरात घडली. याप्रकरणी युवतीने वडनेर पोलिसात तक्रार करताच पोलिसांनी आरोपीला बेड्या ठोकल्या. १८ वर्षीय युवती हिंगणघाट येथील महाविद्यालयात शिक्षण घेत असल्याने ती महाविद्यालयात गेली. दरम्यान, आरोपी प्रतिक गायधणे रा. दारोडा याने मोबाईलवर फोन करुन तू माझा नंबर ब्लॅक लिस्टमध्ये का टाकला?, माझ्याशी बोलत का नाहीस?, असे म्हटले. युवतीने मला तुझ्याशी बोलायचे नाही असे म्हणून फोन कट केला. मात्र, पुन्हा आरोपी प्रतिक याने फोन करुन तू जर माझ्याशी बोलली नाहीस तर तुलाही अंकितासारखे जिवे ठार मारेन असे म्हटले. राज्यात पावसाचे रौद्ररुप; दोन दिवसांत तिघांचा वीज पडून मृत्यू, ही काळजी घ्या! घाबरलेल्या युवतीने पुन्हा फोन बंद केला. दरम्यान युवती ही महाविद्यालयातून बसने घरी गेली असता दारोडा बसस्थानकावर पोहचताच आरोपी प्रतिक याने युवतीशी असभ्य वर्तन करून ओढताण करीत तुला तुझ्या आई वडिलांसमोर घरातून उचलून घेऊन जातो, असे म्हणून तेथून निघून गेला.
घाबरलेल्या युवतीने याबाबतची तक्रार वडनेर पोलिसात दिली. पोलिसांनी तत्काळ दखल घेत याप्रकरणातील आरोपी प्रतिक गायधणे याला अटक केली. पुढील तपास पोलीस निरीक्षक कांचन पांडे करीत आहेत.
राज्यात पावसाचे रौद्ररुप; दोन दिवसांत तिघांचा वीज पडून मृत्यू, ही काळजी घ्या!
करोनाची रुग्णसंख्या वाढत असताना मुंबईतून आली दिलासादायक बातमी
