विधान परिषदेच्या निवडणुकीत मविआला झटका बसला. काँग्रेस उमेदवार चंद्रकांत हंडोरे यांच्या पराभवामुळे मविआला धक्का बसला. यानंतर शिवसेना नेते एकनाथ शिंदे नॉट रिचेबल झाले. तर देवेंद्र फडणवीस दिल्लीला रवाना झाले आहेत.
हायलाइट्स:
- देवेंद्र फडणवीस दिल्लीला रवाना
- राज्याच्या राजकारणात वेगवान घडामोडी
- फडणवीस, शाह यांचा नाशिक दौरा रद्द
शिवसेनेचे नेते आणि नगरविकास मंत्री एकनाथ शिंदे नॉट रिचेबल झाले आहेत. ते गुजरातच्या सूरतमधील मेरिडियन हॉटेलमध्ये आहेत. त्यांच्यासोबत शिवसेनेचे १३ ते १५ आमदार आहेत. एका बाजूला शिंदे नॉट रिचेबल झाले असताना दुसरीकडे विरोधी पक्षनेते देवेंद्र फडणवीस दिल्लीला पोहोचले आहेत. आज सकाळी फडणवीस दिल्लीत दाखल झाले. त्यांचा हा दौरा पूर्वनियोजित नव्हता.
‘एकनाथ शिंदे थोड्याच वेळात शिवसेनेच्या संपर्कात असतील’; पक्षाकडून पहिली प्रतिक्रियाराज्याच्या राजकारणात सध्या वेगवान घडामोडी घडत आहेत. काल विधानपरिषदेच्या १० जागांसाठी निवडणूक झाली. भाजपचे सर्वच्या सर्व ५ उमेदवार विजयी झाले. यानंतर आज फडणवीस नाशिकला जाणार होते. मात्र काल रात्री उशिरापर्यंत सेलिब्रेशन झालं. त्यामुळे फडणवीसांनी नाशिक दौरा रद्द केला आणि आज सकाळी लवकर ते दिल्लीला गेले.
शिवसेनेपाठोपाठ काँग्रेसच्या गोटात भूकंप?; बडा नेता राजीनामा देण्याच्या तयारीतकेंद्रीय गृहमंत्री अमित शाह नाशिकमध्ये येणार होते. तिथे महाविद्यालयाच्या उद्घाटनाचा कार्यक्रम होता. त्यानंतर योग दिनाचा कार्यक्रम होणार होता. मात्र शाह यांनी नाशिकचा दौरा अचानक रद्द केला. त्यानंतर फडणवीस यांचाही दौरा रद्द झाला आणि ते दिल्ली दरबारी रवाना झाले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : bjp leader devendra fadnavis went to delhi amit shah cancels his nashik visit
Marathi News from Maharashtra Times, TIL Network
Marathi News from Maharashtra Times, TIL Network
