नगर विकास मंत्री एकनाथ शिंदे यांनी विधान परिषदेची निवडणूक पार पडल्यानंतर अचानक बंड केल्यामुळे संपूर्ण राज्याचे राजकारण ढवळून निघाले आहे. शिवसेनेच्या 13 आमदारांना घेऊन ते गुजरातमधील सुरत येथे आहेत. तर शिवसेनेचे 22 आमदार नॉट रिचेबल आहेत. एकीकडे महाविकास आघाडीकडून एकनाथ शिंदे यांचे बंड थंड करण्याचा प्रयत्न केला जात असतानाच आमदार रत्नाकर गुट्टे यांचे कार्यकर्ते मात्र अतिउत्साही झाल्याचे दिसून येत आहे. या सोशल मीडिया पोस्टमुळे गंगाखेड शहरासह परभणी जिल्ह्यामध्ये चर्चेला उधाण आले आहे.
रत्नाकर गुट्टे यांच्या समर्थकाची फेसबुक पोस्ट
कोण आहेत रत्नाकर गुट्टे?
रत्नाकर गुट्टे हे राष्ट्रीय समाज पक्षाचे आमदार
परभणी जिल्ह्यातील गंगाखेड विधानसभा मतदारसंघातून आमदारकी
शेतकऱ्यांच्या नावे हजारो कोटींची कर्ज उचलल्याच्या नावाखाली जून २०१९ मध्ये अटक
तुरुंगात राहून विधानसभेचा अर्ज भरला आणि विजयी
शिवसेना उमेदवाराचा १७ हजारांहून अधिक मताधिक्याने विजय
रत्नाकर गुट्टेंच्या संपत्तीवर ईडीकडून जप्तीची कारवाई
दुसरीकडे, नगरविकास मंत्री एकनाथ शिंदे यांनी बंड पुकारल्यानंतर शिवसेनेने मोठी कारवाई केली आहे. शिंदेंना शिवसेनेच्या गटनेते पदावरुन हटवण्यात आलं आहे. त्यांच्या जागी आमदार अजय चौधरी यांची गटनेतेपदी नियुक्ती करण्यात आली आहे. एकनाथ शिंदे आणि शिंदे समर्थक गटासाठी हा मोठा धक्का मानला जात आहे. नव्याने नियुक्ती झालेले अजय चौधरी हे मुंबईतील शिवडी मतदारसंघाचे विधानसभा आमदार आहेत.
विधान परिषदेच्या निवडणुकीत भारतीय जनता पक्षाचे पाचही उमेदवार विजयी झाल्यानंतर आता महाविकास आघाडीला हादरे बसू लागले आहेत. निवडणुकीत मतांची फाटाफूट झाल्यानं चिंतेत असलेल्या शिवसेनेला मोठा धक्का बसला आहे. शिवसेना नेते एकनाथ शिंदे यांच्यासह वीसहून अधिक समर्थक आमदार नॉट रिचेबल आहेत. ते सध्या गुजरातच्या सूरतमध्ये वास्तव्याला आहेत.
राजकीय भूकंप होणार, एकनाथ शिंदे यांच्या गुरुंनी केला मोठा दावा
