शिंदेंच्या जागी बिनचर्चेतील आमदाराला गटनेतेपद, ठाकरेंनी चाव्या स्वतःकडेच ठेवल्या?
पुढे मिलिंद नार्वेकर आणि एकनाथ शिंदे यांच्यात जवळपास ४० मिनिटे चर्चा झाली. त्या चर्चेवेळी एकनाथ शिंदे यांची भाजपसोबत सरकार बनवा, हीच प्रमुख मागणी होती. त्यानंतर नार्वेकरांनी थेट उद्धव ठाकरे यांना फोन केला. एकनाथ शिंदे यांनी ‘जय महाराष्ट्र’ म्हणत आपल्यावरील अन्यायाचा पाढा वाचायला सुरुवात केली. मी कोणता पक्ष काढला नाही, कोणत्याही पक्षाला शब्द दिला नाही, कुणाशी डील केली नाही, मग माझ्याविरोधात मुंबई-ठाण्यात वातावरण का पेटवलं जातंय? या एका प्रश्नाचं साहेब मला उत्तर द्या. तसेच मला गटनेतेपदावरुन का हटवलं असा सवालही एकनाथ शिंदे यांनी उद्धव ठाकरेंना विचारला. त्यावर तुम्ही काही काळजी करु नका. हे सगळं सुरळीत होईल. तुम्ही अगोदर मुंबईत या, आपण समोरासमोर भेटून बोलू… असं मुख्यमंत्री उद्धव ठाकरे एकनाथ शिंदे यांना म्हणाले.
Maharashtra Politics: एकनाथ शिंदे भेटीसाठी आणि चर्चेसाठी तयार; उद्धव ठाकरेंचे २ शिलेदार सुरतकडे रवाना
राष्ट्रवादी आणि काँग्रेसबरोबर असलेला संसार आता बस्स झाला. आता आपण भाजपसोबत गेलं पाहिजे. भाजपसोबत सरकार बनविण्यातच आपलं भलं आहे, असं एकनाथ शिंदे मुख्यमंत्र्यांना म्हणाले. तुम्ही निर्णय घ्या, शेवटी तो तुमचा निर्णय आहे. मी माझा निर्णय घेतो, असंही एकनाथ शिंदे यांनी मुख्यमंत्र्यांना नि:क्षून सांगितलं.
झाला तितका संसार बस्स झाला! शिंदे समर्थक आमदारांची ‘मन की बात’; मातोश्रीवर दबाव वाढला
त्यावर मुख्यमंत्र्यांनीही एकनाथ शिंदे यांना पहिल्यांदा तुम्ही मुंबईत या, आपण समोरासमोर बसून चर्चा करु, असं सांगितलं. मुख्यमंत्र्यांचं ऐकून घेतल्यानंतर साहेब मला आश्वासन हवं आहे, आपण ते आश्वासन द्या, असं एकनाथ शिंदे म्हणाले. त्यावेळी मिलिंद नार्वेकर यांनी एकनाथ शिंदे यांच्याशी बातचित केली. एकनाथ शिंदेंचं सगळं ऐकून घेतल्यानंतर मुख्यमंत्र्यांशी अधिक चर्चा करुन निरोप कळवतो, असं नार्वेकरांनी एकनाथ शिंदेंना सांगितलं.
