सूरतहून गुवाहाटीकडे रवाना होत असताना शिंदे काही मिनिटंच माध्यमांशी बोलले. मात्र त्यातून त्यांनी त्यांचं भविष्यातील राजकारणाचे संकेत दिले. आम्ही दुसऱ्या पक्षात जाणार नाही. बाळासाहेबांचा हिंदुत्वाचा विचार घेऊन पुढे जाणार नाही, या शिंदेंच्या वाक्यांमधून त्यांचं राजकारण कोणत्या दिशेनं जाणार हे स्पष्ट होत आहे.
सेनेचे ४० आमदार सोबत, आणखी १० येणार; एकनाथ शिंदेंचा दावा, शिवसेनेला खिंडार?शिंदेंचं बंड; भाजपची भूमिका काय?
एकनाथ शिंदेंच्या बंडाला भाजपचं समर्थन असल्याचं स्पष्ट होऊ लागलं आहे. विधान परिषदेची निवडणूक सुरू असताना शिंदे आणि त्यांच्या गटानं मुंबई सोडली आणि गुजरातच्या सूरतला गेले. गुजरातमध्ये भाजपचं सरकार आहे. सूरतच्या मेरिडियन हॉटेलमध्ये शिंदे आणि त्यांच्या गटाचा मुक्काम होता. त्या हॉटेलच्या बाहेर पोलिसांचा तगडा बंदोबस्त होता.
बाळासाहेबांचा विचार, पक्षांतर नाही! शिंदेंनी दोन वाक्यांत पुढचं राजकारण सांगितलंरात्रीच्या सुमारास शिंदे आणि त्यांच्या गटानं रात्रीच्या सुमारास गुजरात सोडलं. त्यांनी एअरलिफ्ट करण्यात आलं. यावेळी शिंदे आणि त्यांच्या आमदारांसोबत भाजप नेते मोहित कंबोज, संजय कुटे, रविंद्र चव्हाण होते. शिंदे आणि त्यांचे आमदार सूरत सोडत असताना हे नेते तिथे होते. मात्र गुवाहाटी विमानतळावर हे नेते कुठेच दिसले नाहीत.
महाराष्ट्र भाजपचे नेते गुजरातहून आसामला गेले नाहीत. शिंदे गुवाहाटीला पोहोचले, त्यावेळी भाजप आमदार सुशांता बोर्गोहेन तिथे उपस्थित होते. गुवाहाटी विमानतळावरून शिवसेना आमदारांना घेऊन बसेस हॉटेल रॅडिसनला गेल्या. यावेळी कडेकोट पोलीस बंदोबस्त तैनात होता. गुवाहाटीचे पोलीस आयुक्त हरमीत सिंह स्वत: हजर होते. हॉटेल रॅडिसनवर भाजपचे तेजपूरचे खासदार पल्लव लोचन दास आणि पाणीपुरवठा मंत्री उपस्थित आहेत.
