शिवसेना आमदार दीपक केसरकर हे मुंबईत असले तरी त्यांनी गुवाहाटीमध्ये असलेल्या एकनाथ शिंदे यांच्या भूमिकेशी सहमत भूमिका घेतली आहे. शिवसेना आणि भाजपनं एकत्र यावं, अशीच भूमिका त्यांनी मांडली आहे.
हायलाइट्स:
- दीपक केसरकर शिवसैनिकांवर संतापले
- केसरकर यांची भूमिका एकनाथ शिंदे यांच्या भूमिकेप्रमाणेच
- भाजप आणि शिवसेनेनं एकत्र येण्याची भूमिका
शिवसैनिक सगळे मिळून जे करु शकले नाहीत ते मी कोकणात करुन दाखवलं. माझ्या गाडीवर पाळत ठेवल्यानंतर अजय चौधरी आणि अनिल देसाईंना सांगितलं आहे. माझी स्वत:ची नीतीमत्ता आहे, मी हा प्रकार कोकणात खपवून घेतला नाही आणि मुंबईत खपवून घेणार नाही. जे आमदार आज गेले ते आज सांगत नाहीत. आमदारांच्या मतदारसंघात दुसऱ्या स्थानावर काँग्रेस आणि राष्ट्रवादी होती. त्यामुळं त्यांना बळ देणं आवश्यक आहे. आम्ही हे उद्धव ठाकरे यांना हे सागंत होतो. यानंतर एकनाथ शिंदे यांच्याकडे अडचणी मांडल्या आणि आमदार त्यांच्यासोबत गेले. तुमच्यासोबत राहण्याची इच्छा असलेल्या आमदारावर तुम्ही ही वेळ का आणत आहात. आमच्या सारख्या नेत्यांचा शिवसेनेत मान ठेवला पाहिजे, असं दीपक केसरकर म्हणाले.
एकनाथ शिंदेंचा शब्द खरा ठरला, शिवसेनेची गळती सुरुच, आणखी आमदार गुवाहाटीला रवाना
महाराष्ट्रात ज्या पद्धतीनं आदित्य साहेबांची बदनामी करण्यात येत होती. आदित्य ठाकरेंची बदनामी करणाऱ्या नेत्याला स्टेजवर बसवण्यात आलं. उद्धव ठाकरेंना कुटुंबाची बदनामी भाजपकडून होते की काय त्यांना वाटत असावं. नरेंद्र मोदी आणि उद्धव ठाकरे यांचं बाँडिंग जुनं आहे. उद्धव ठाकरेंना सल्ला द्यावा इतका मी मोठा नाही, असं दीपक केसरकर म्हणाले.
ठाकरे सरकार धोक्यात येताच फडणवीसांच्या निवासस्थानी वेगवान हालचाली; बड्या नेत्यांसह बैठक सुरू
एकनाथ शिंदे उद्धव ठाकरेंना भाजपसोबत जाण्याची विनंती करत होते. शिवसेना आणि भाजपनं एकत्र राहावं यासाठी एकनाथ शिंदे प्रयत्न करत होते. देश आणि राज्य एका दिशेनं चाललं पाहिजे. ही स्थिती महाराष्ट्रात नसल्यानं आपलं राज्य मागं पडू नये म्हणून हा निर्णय घेण्याची गरज असल्याचं दीपक केसरकर म्हणाले.
शिंदेंच्या बंडानंतर भाजपने पहिला डाव टाकला, आमदारांना दिले आदेश
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : shivsena leader deepak kesarkar said shivsena and bjp will join hands to form government in maharashtra
Marathi News from Maharashtra Times, TIL Network
Marathi News from Maharashtra Times, TIL Network
