एकनाथ शिंदे यांनी एका वृत्तवाहिनीशी संवाद साधला. त्यावेळी एकनाथ शिंदे यांनी नितीन देशमुख यांच्या आरोपांविषयी विचारण्यात करण्यात आली. तेव्हा एकनाथ शिंदे यांनी हा आरोप फेटाळून लावला. मी नितीन देशमुख यांनी जबरदस्तीने घेऊन गेलो असतो तर आमची दोन लोकं त्यांना सोडायला गेली असती का, असा प्रतिप्रश्न त्यांनी विचारला. त्यानंतर एकनाथ शिंदे यांनी या विषयावर अधिक बोलणे टाळले.
Shivsena: शिवसेनेचा मोठा निर्णय, बंडखोर आमदारांना शेवटचा चान्स, अन्यथा कारवाई अटळ
नितीन देशमुखांनी काय आरोप केला होता?
माझा रक्तदाब वाढला नव्हता. पण मला हार्टअॅटक आल्याचा बनाव रचण्यात आला. मला रुग्णालयात नेल्यानंतर २०-२५ जणांना मला पकडून बळजबरीने इंजेक्शन टोचले. ते इंजेक्शन काय होतं माहिती नाही. माझ्या शरीरावर चुकीच्या पद्धतीने प्रक्रिया करण्याचे षडयंत्र रचले होते. मी उद्धव ठाकरेंचा शिवसैनिक आहे, मी मंत्र्यांसोबत गेलो होतो पण मी उद्धव ठाकरे आणि बाळासाहेबांचा शिवसैनिक आहे. आता मी माझ्या घरी जात आहे. मी रात्री १२ वाजता हॉटेलमधून निघालो. रस्त्यावर तीन वाजता उभा होता. पण माझ्यापाठी २०० पोलीस होते. कोणतेही वाहन मला लिफ्ट देत नव्हते. त्यानंतर पोलीस मला रुग्णालयात घेऊन गेले आणि मला हार्टअॅटक असल्याचा बनाव रचला, असे नितीन देशमुख यांनी सांगितले. उस्मानाबादमधील कैलास पाटील आणि नितीन देशमुख हे दोन माघारी आले आहेत.
