Eknath Shinde revolt | या व्हिडिओत एकनाथ शिंदे यांच्याकडून भरत गोगावले यांना प्रतोद पदाची जबाबदारी सोपावली जात असताना दिसत आहे. यावेळी भरत गोगावले कागदपत्रांवर सही करताना दिसत आहेत. या व्हिडिओत त्यांच्या बाजूला ठाण्यातील माजिवाडा मतदारसंघाचे आमदार प्रताप सरनाईक (Pratap Sarnaik) बसलेले दिसत आहे. गेल्या काही महिन्यांमध्ये आर्थिक गैरव्यवहार प्रकरणात प्रताप सरनाईक यांना ईडीच्या कारवाईला सामोरे जावे लागले होते.
हायलाइट्स:
- प्रताप सरनाईक यांचा उत्साह गुवाहाटीतील हॉटेलमध्ये ओसंडून वाहत होता
- आमच्याकडे शिवसेना आमदारांचे जास्त संख्याबळ असल्याचे सांगत सुनील प्रभू यांनाच प्रतोद पदावरून बेदखल केले होते
- शिंदे गटाकडून आता त्यांच्या गटाच्या प्रतोद पदाची जबाबदारी महाडचे आमदार भरत गोगावले यांच्यावर देण्यात आली
शिवसेना हा मूळ पक्ष आपल्या गटाकडे ठेवण्याचे एकनाथ शिंदेंचे प्रयत्न; आखली रणनीतीया व्हिडिओत एकनाथ शिंदे यांच्याकडून भरत गोगावले यांना प्रतोद पदाची जबाबदारी सोपावली जात असताना दिसत आहे. यावेळी भरत गोगावले कागदपत्रांवर सही करताना दिसत आहेत. या व्हिडिओत त्यांच्या बाजूला ठाण्यातील माजिवाडा मतदारसंघाचे आमदार प्रताप सरनाईक (Pratap Sarnaik) बसलेले दिसत आहे. गेल्या काही महिन्यांमध्ये आर्थिक गैरव्यवहार प्रकरणात प्रताप सरनाईक यांना ईडीच्या कारवाईला सामोरे जावे लागले होते. त्यांच्यापाठी ईडीचा ससेमिरा लागल्याने ते प्रचंड त्रस्त झाले होते. याच प्रताप सरनाईक यांचा उत्साह गुवाहाटीतील हॉटेलमध्ये ओसंडून वाहत होता. प्रताप सरनाईक हे भरत गोगावले यांना प्रतोदाची जबाबदारी काय असते, त्याने कसे काम करावे, याचे मार्गदर्शन करताना दिसत होते.
खरंच हिंदुत्त्व की ईडीत्त्व-आयटीत्त्व? शिंदेंसोबत गेलेल्या आमदारांपैकी ‘ही’ नावं पाहाच!भरत गोगावले यांनी प्रतोद पदाची सूत्रे स्वीकारल्यानंतर प्रताप सरनाईक म्हणाले की, ‘आता हे प्रतोदाचं काम काय आहे, हे तुम्हाला माहिती आहे ना? आता तुमची जबाबदारी आता वाढली आहे. शिवसेना पक्षाची फार मोठी जबाबदारी तुमच्यावर आहे. सर्व आमदारांना टिकवून ठेवा, त्यांना बोलायला द्या’, असे सरनाईक यांनी म्हटले. त्यावर भरत गोगावले यांनी, ‘ हो सगळं व्यवस्थित करतो’, असे म्हटले. त्यावर आमदार संजय शिरसाट यांनी, ‘केलंच पाहिजे सगळं व्यवस्थित, मागच्या प्रतोदासारखं करु नका’, अशी टिप्पणी केली. यावर प्रताप सरनाईक लगेच म्हणाले की, ‘ मागचे प्रतोद मुंबईच्याच लोकांना जास्त बोलायला द्यायचे. तुम्ही आता प्रतोद आहात, पक्षात कोणाला ठेवायचं, कोणाला काढायचं, हे आता तुम्ही ठरवा. सुरुवात सुनील प्रभू यांच्यापासून करा’, असे प्रताप सरनाईक यांनी म्हटले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : shivsena leader pratap sarnaik eknath shinde guwahati hotel video viral on social media
Marathi News from Maharashtra Times, TIL Network
Marathi News from Maharashtra Times, TIL Network
