अमळनेर येथील एका ६० वर्षीय महिलेला करोना सदृश्य आजाराची लक्षणे दिसून आल्याने तिला १७ एप्रिल रोजी जिल्हा रुग्णालयातील करोना संसर्ग कक्षात दाखल करण्यात आले आहे. तिच्या घशातील स्वॅब घेऊन ते चाचणीसाठी धुळे येथील भाऊसाहेब हिरे शासकीय वैद्यकीय महाविद्यालयात पाठविण्यात आले होते. या चाचणीचा अहवाल आज रात्री उशिरा जिल्हा रुग्णालय प्रशासनाला प्राप्त झाला आहे. तो पॉझिटिव्ह आहे. या महिलेला करोनाची लागण कशी झाली? याबाबत ठोस माहिती समोर आलेली नाही. तिची ट्रॅव्हल हिस्ट्री काय आहे, याची माहिती काढली जात आहे. ही माहिती मिळाल्यानंतरच महिलेला करोनाची लागण कशी झाली, याचे उत्तर मिळणार आहे, असे जिल्हा रुग्णालयाचे अधिष्ठाता डॉ. भास्कर खैरे यांनी सांगितले.
जळगाव शहरातील मेहरूण भागातील एका ४९ वर्षीय प्रौढासह सालारनगरातील ६३ वर्षीय वृद्धाला करोनाची लागण झाल्याचे स्पष्ट झाले होते. मेहरूण येथील प्रौढाचे उपचारानंतर करोना चाचणीचे २ अहवाल निगेटिव्ह आले होते. त्यामुळे त्याला घरी पाठवण्यात आले आहे. तर सालारनगरातील वृद्धाचा उपचारादरम्यान मृत्यू झाला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
