जिल्ह्यात यापूर्वीही करोनाबाधित असणाऱ्या कोपरगाव येथील महिलेचा मृत्यू झाला होता. त्यामुळे जिल्ह्यात आतपर्यंत दोन करोनाबाधित रुग्णांचे मृत्यू झाले आहेत तर, आतापर्यंत २८ करोनाबाधित रुग्ण आढळले आहेत.
जिल्हा रुग्णालयाने पुण्याच्या लष्करी वैद्यकीय महाविद्यालयाकडे शुक्रवारी पाठविलेल्या नमुन्यांपैकी ३४ जणांचे अहवाल प्राप्त झाले आहेत. त्यामध्ये ३२ अहवाल निगेटिव्ह आले आहेत. तर, जामखेड येथील एका व्यक्तीचा अहवाल पॉझिटिव्ह आला असून त्याचा तीन दिवसांपूर्वी मृत्यू झाला आहे. तसेच नेवासा येथील करोनाबाधित एका व्यक्तीचा १४ दिवसानंतरचा पहिला अहवाल निगेटिव्ह आला होता. मात्र, त्याचा दुसरा अहवाल पॉझिटिव्ह आल्याचे आज स्पष्ट झाले आहे. त्यामुळे त्याचा हॉस्पिटलमधील मुक्काम वाढणार आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
