या प्रकरणी मुकुंदवाडी पोलीस स्टेशनमधून दिलेल्या माहितीनुसार, आशा दिपक गायकवाड (३२) रा. म्हाडा कॉलनी ही आपली मुगली ऋतुजा दिपक गायकवाड (१३) सोबत राहत होती. आशा गायकवाड ही एका खासगी रुग्णालयात पारिचारिका म्हणुन काम करीत होती. आज रात्री नऊ वाजेच्या दरम्यान आशा गायकवाड यांच्या मोबाइलवर त्यांच्या भावाने फोन केला. काहीच प्रतिसाद आला नाही. म्हणून भाऊ आणि काही जण आशा गायकवाड यांच्या घरी पोहोचले. त्यांनी दरवाजा वाजवून पाहिला. कोणताही प्रतिसाद मिळाला नाही. खिडकीतून आत पाहिल्यानंतर, आशाच्या बाजूला मुलगी होती. आशाच्या हातात इजेक्शनसारखं काही तरी दिसलं. मुकुंदवाडी पोलिसांना तातडीने पाचारण करण्यात आले. मुकुंदवाडी पोलिसांनी या दोघींना उचलून घाटी हॉस्पिटलला उपचारासाठी पाठविले.
घाटी हॉस्पिटलमध्ये ऋतुजा हिचा प्राण गेला असल्याचे डॉक्टरांनी सांगितले तर, आशा गायकवाड हिच्यावर उपचार सुरू करण्यात आले. मात्र उपचार सुरू असतानाच आशा यांचा मृत्यू झाला. या प्रकरणात पोलिसांनी आशा गायकवाड यांच्या वडिलांशी चर्चा केली. मृत आशा गायकवाड आणि त्यांचे पती दिपक गायकवाड यांच्यात गेल्या काही वर्षांपासून कौंटुबीक कलह सुरू आहे. या कलहामुळे कदाचित तिनं आत्महत्या केली असावी, असाही संशय त्यांनी व्यक्त केला असल्याची माहिती मुकुंदवाडी पेालिस ठाण्याचे पोलिस निरिक्षक शरद इंगळे यांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
