महाराष्ट्रातील सत्तासंघर्ष दररोज वेगळं वळण घेत आहे. विधानसभा उपाध्यक्ष नरहरी झिरवळ यांनी प्रतोद नियुक्तीचा अधिकार हा पक्षनेत्यांना असल्याचं म्हटलं आहे. पर्यायानं हा अधिकार सध्यातरी उद्धव ठाकरे यांना आहे.

 

Uddhav Thackeray Eknath Shinde
उद्धव ठाकरे एकनाथ शिंदे

हायलाइट्स:

  • नरहरी झिरवळ यांच्याकडून एकनाथ शिंदे यांना धक्का
  • प्रतोद नेमण्याचे अधिकार सध्यातरी उद्धव ठाकरे यांच्याकडे
  • भरत गोगावले यांचं प्रतोदपद कायद्याच्या कसोटीवर टिकणार
मुंबई : महाराष्ट्राच्या राजकारणातील सत्ता नाट्याचा आज तिसरा दिवस आहे. एकनाथ शिंदे यांच्या समर्थक आमदारांची संख्या वाढू लागली आहे. एकनाथ शिंदे यांनी यांच्या समर्थकांनी त्यांचा गट हाच शिवसेना असल्याचा दावा केला आहे. मुख्यमंत्री उद्धव ठाकरे यांनी २१ जून रोजी एकनाथ शिंदे यांचं गटनेतेपद काढून घेतलं होतं. एकनाथ शिंदे यांच्या जागी अजय चौधरी यांची नियुक्ती केली होती. शिवसेनेनं काल त्यांच्या सर्व आमदारांना पक्षाच्या बैठकीस उपस्थित राहण्याचे आदेश मुख्य प्रतोद सुनील प्रभू यांच्या सहीनं दिले होते. एकनाथ शिंदे यांनी सुनील प्रभू यांचं नोटीस कायदेशीर दृष्ट्या अवैध असल्याचं म्हटलं होतं. मात्र, विधानसभा उपाध्यक्ष नरहरी झिरवळ यांनी आज प्रतोद नियुक्तीचा अधिकार हा पक्षप्रमुखांना असल्याचं म्हटलं आहे.

अभ्यासकांच्या मते सध्या सुनील प्रभूचं सेनेचे प्रतोद
एकनाथ शिंदे यांच्या गटाला विधिमंडळात गटनेता किंवा प्रतोद नेमण्याचा अधिकार नाही. सध्याच्या परिस्थितीत हा अधिकार उद्धव ठाकरे यांच्याकडे आहे, असं घटनेच्या अभ्यासकांनी म्हटलं आहे. निवडणूक आयोगाकडे जाऊन आम्ही खरा पक्ष आहोत, हे एकनाथ शिंदे यांना सिद्ध करावं लागेल आणि चिन्ह मिळवावं लागेल. निवडणूक आयोगाचा निर्णय मान्य न झाल्यास सुप्रीम कोर्टात देखील हे प्रकरण जाऊ शकतं. जोपर्यंत एकनाथ शिंदे यांच्या गटाला वेगळी मान्यता मिळत नाही तोपर्यंत गटनेता, प्रतोद नेमण्याचे अधिकार सद्यस्थितीत उद्धव ठाकरे यांना आहेत. त्यामुळं शिवसेनेचे मुख्य प्रतोद सुनील प्रभू आहेत.
विरोधी पक्षात बसण्याची तयारी करावी लागत नाही, परिस्थिती ती वेळ आणते; जयंत पाटलांचं सूचक वक्तव्य
एकनाथ शिंदे यांचं ट्विट
‘तुमच्या बंगल्यात प्रवेशासाठी बडव्यांची मनधरणी करावी लागत होती’; ठाकरेंना प्रत्युत्तर
भरत गोगावलेचं प्रतोद कायद्याच्या कसोटीवर टिकणार?
सध्याच्या राजकीय स्थितीत उद्धव ठाकरे हे शिवसेनेचे पक्षप्रमुख आहेत. शिंदे यांच्या गटाला मान्यता मिळत नाही तोपर्यंत गटनेता आणि प्रतोद नेमण्याचे अधिकार उद्धव ठाकरेंना आहेत. शिंदे यांच्या गटानं प्रतोद नेमणुकीचा दावा केला असला तरी भरत गोगावले यांचं प्रतोदपद कायद्याच्या कसोटीवर टिकण्याची शक्यता कमी आहे.
एकनाथ शिंदेंच्या गोटातील २१ आमदार आमच्या संपर्कात, ते शिवसेनेसोबतच; राऊतांचा मोठा दावा

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : maharashtra political crisis assembly deputy speaker said cm uddhav thackeray have rights to appoint whip
Marathi News from Maharashtra Times, TIL Network

LEAVE A REPLY

Please enter your comment!
Please enter your name here