Shivsena May Quit Mahavikas Agahdi: गुवाहाटीत शिवसेनेचे ४५ आमदार जमल्याचे फोटो पाहून शिवसेना दबावाखाली ही भूमिका घेत आहेत का? महाविकास आघाडीतून बाहेर पडून उद्धव ठाकरे भाजपसोबत यायला तयार आहेत का? शिवसेना पुन्हा दुय्यम भूमिका स्वीकारायला तयार आहे का?, अशा प्रश्नांची सरबत्ती पृथ्वीराच चव्हाण यांनी केली. कालच्या भाषणात उद्धवजी असे काही बोलले नाहीत.
हायलाइट्स:
- महाविकास आघाडीतून बाहेर पडण्याचा विचार करू
- संजय राऊत यांच्या वक्तव्यामुळे राजकीय वर्तुळात खळबळ
- कालच्या भाषणात उद्धवजी असे काही बोलले नाहीत
Sanjay Raut: शिवसेना आघाडीतून बाहेर पडायला तयार, बंडखोरांनी पुढच्या २४ तासांत मुंबईत यावंपृथ्वीराज चव्हाण यांनी आपली ही भूमिका वैयक्तिक आहे, पक्षाची भूमिका मला नाही, असे स्पष्ट केले. मला समजत नाही की, शिवसेना महाविकास आघाडी सरकारमधून बाहेर पडणार म्हणजे ते भाजपसोबत जाणार आहेत का? गुवाहाटीत शिवसेनेचे ४५ आमदार जमल्याचे फोटो पाहून शिवसेना दबावाखाली ही भूमिका घेत आहेत का? महाविकास आघाडीतून बाहेर पडून उद्धव ठाकरे भाजपसोबत यायला तयार आहेत का? शिवसेना पुन्हा दुय्यम भूमिका स्वीकारायला तयार आहे का?, अशा प्रश्नांची सरबत्ती पृथ्वीराच चव्हाण यांनी केली. कालच्या भाषणात उद्धवजी असे काही बोलले नाहीत. ते काही आमदारांच्या दबावाखाली असा निर्णय घेतील, असे मला वाटत नसल्याचेही पृथ्वीराज चव्हाण यांनी म्हटले. शेवटी हा शिवसेनेचा अंतर्गत विषय आहे. याबाबत निर्णय शिवसेनेनेच घ्यायचा आहे, आमच्या हातात काहीच नाही. काँग्रेस पक्षात याबाबत अद्याप चर्चा झालेली नाही, असेही पृथ्वीराज चव्हाण यांनी सांगितले.
Sanjay Raut: एकनाथ शिंदेंच्या गोटातील २१ आमदार आमच्या संपर्कात, ते शिवसेनेसोबतच; राऊतांचा मोठा दावादरम्यान, संजय राऊत यांच्या महाविकास आघाडीतून बाहेर पडण्याचा विचार करू, या वक्तव्यामुळे राजकीय वर्तुळात खळबळ माजली आहे. एकीकडे काँग्रेस आणि राष्ट्रवादीचे नेते आम्ही शेवटपर्यंत शिवसेना आणि उद्धव ठाकरे यांच्या पाठिशी उभे राहू, अशी भाषा केली जात आहे. मात्र, त्याचवेळी आता शिवसेना मात्र महाविकास आघाडीतून बाहेर पडण्याची तयारी दर्शवित असल्याने महाराष्ट्राच्या राजकारणातील समीकरणे पूर्णपणे बदलण्याची शक्यता आहे. त्यामुळे आता काँग्रेस पक्ष यावर अधिकृतपणे काय भूमिका घेतो, हे पाहावे लागेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : congress leader prithviraj chavan reaction on sanjay raut statement shivsena will think about quit from mahavikas aghadi govt
Marathi News from Maharashtra Times, TIL Network
Marathi News from Maharashtra Times, TIL Network
