सुरक्षेवर असलेले पोलीस आणि सीआरपीएफ जवानांच्या संयुक्त पथकावर दहशतवाद्यांनी घात लावून हा हल्ला केला. अहद बाब चौकाजवळ असलेल्या नूरबाग परिसरात हा हल्ला करण्यात आला. हल्ल्यात जखमी झालेल्या जवानांना तातडीने जवळच्या एसडीएच हॉस्पिटलमध्ये दाखल करण्यात आलंय. दोन जवानांचा घटनास्थळीच मृत्यू झाला तर एका जवानाने नंतर प्राण सोडले, अशी प्राथमिक माहिती आहे.
या हल्ल्यात तीन निमलष्करी दलाचे जवानही जखमी झाले आहेत. हल्ल्याच्या घटनेनंतर सुरक्षा दलांनी दहशतवाद्यांना पकडण्यासाठी कारवाई सुरू केली. परिसराला घेरण्यात आलं आहे, अशी माहिती सोपोरच्या पोलीस अधीक्षकांनी दिली.
हल्ल्यात महाराष्ट्राचा जवानही शहीददहशतवादी हल्ल्यात शहीद झालेल्या जवानांची माहिती सीआरपीएफकडून देण्यात आली आहे. यात महाराष्ट्रातील बुलडाणा जिल्ह्यातल्या जवानाचाही समावेश आहेत. सी. बी. भाकरे (वय ३८) हे हल्ल्यात शहीद झालेत. त्यांच्यासह बिहारमधील वैशाली जिल्ह्यातले राजीव शर्मा (वय ४२) आणि गुजरातमधील साबरकांठा येथील परमार सत्यपाल सिंह (२८) हे दोन जवानही शहीद झाले आहेत.
सीआरपीएफ जवानांवर हल्ले वाढले
पुलवामा जिल्ह्यातील नेवा भागातही शुक्रवारी सीआरपीएफ जवानांच्या एका तुकडीवर दहशतवाद्यांनी हल्ला केला. यात एका जवानाच्या पायला गोळी लागल्याने तो जखमी झाला. त्याला रुग्णालयात दाखल केलं गेलं. तर ७ एप्रिलाल अनंतनाग जिल्ह्यात बिजबेहरा भागात दहशतवाद्यांनी केलेल्या हल्ल्यात एक जवान शहीद झाला होता. तर एक जखमी झाला होता.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
