maharashtra political crisis: शिवसेनेचे वरिष्ठ नेते एकनाथ शिंदे यांच्या बंडानंतर शिवसेनेनं आक्रमक पवित्रा घेतला आहे. शिंदे यांना आवाहन करणाऱ्या उद्धव ठाकरेंनी आता आव्हानाची भाषा केली आहे. त्यामुळे शिवसेना वि. शिंदेसेना संघर्ष आणखी पेटणार आहे.
हायलाइट्स:
- शिवसेनेच्या कार्यकारणीची आज बैठक
- उद्धव ठाकरे ऑनलाईन उपस्थित राहणार
- शिवसेना वि. शिंदेसेना संघर्ष आणखी तापणार
शिवसेना आणि ठाकरे शब्दांशिवाय जगून दाखवा. बाळासाहेबांचा फोटो न वापरता राजकारण करून दाखवा, असं ओपन चॅलेंज उद्धव यांनी दिलं आहे. तर दुसरीकडे आम्ही शेवटपर्यंत शिवसैनिकच आहोत. बाळासाहेबांनी दाखवलेल्या हिंदुत्त्वाच्या वाटेनं आम्ही चाललो आहोत, असं शिंदेंकडून सांगितलं जात आहे. एकीकडे शिंदे शिवसेनेवरच दावा सांगत असताना दुसरीकडे ठाकरे बंडखोरांविरुद्ध आक्रमक पवित्रा घेत आहेत. त्यांचा उल्लेख पाठ दाखवून पळणारे असा करत आहेत. विशेष म्हणजे दोन्ही बाजूंनी आपापली रणनीती आखली आहे आणि ही रणनीती सारखीच आहे.
एकनाथ शिंदेंबद्दल शिवसेना मोठा निर्णय घेणार?; ठाकरेंनी बोलावली ‘पॉवरफुल’ बैठकशिवसेनेचे निम्म्याहून अधिक आमदार शिंदेंच्या गटात आहेत. त्यामुळे आता खासदार, नगरसेवक, जिल्हाप्रमुख, विभागप्रमुख, उपनेते आणि पक्षासोबत असलेले आमदार यांना घेऊन ठाकरे कामाला लागले आहेत. आपापल्या मतदारसंघांमध्ये मेळावे घ्या. लोकांच्या मनात असलेला संभ्रम दूर करा. शिवसेनेची ताकद दाखवून द्या, असे आदेश सेनेच्या नेतृत्त्वानं दिले आहेत. कट्टर शिवसैनिकांना सोबत ठेवण्यासाठी सेनेनं रणनीती आखली आहे.
सेनेच्या बंडखोरांवर राष्ट्रवादीचा ‘वॉच’? गुवाहाटीतील हॉटेलबाहेर दिसले दोन पदाधिकारीशिवसेना आणि शिंदे गटात मतभेद आहेत. त्यामुळे शिंदेंनी वेगळी वाट निवडली आहे. मात्र शिंदे गटाची रणनीतीदेखील सारखीच आहे. शिंदे यांच्यासोबत असलेल्या आमदारांच्या मतदारसंघांमध्ये कट्टर शिवसैनिक आक्रमक झाले आहेत. अनेक ठिकाणी आमदारांचे पुतळे जाळले गेले आहेत. त्यांची कार्यालयं फोडण्यात आली आहेत. त्यांच्याविरोधात कार्यकर्ते रस्त्यावर उतरले आहेत. त्या पार्श्वभूमीवर शिंदेंनी त्यांच्या समर्थक आमदारांना मतदारसंघांत मेळावे घेण्याचे आदेश दिले आहेत. आपण शिवसेनेतच आहोत आणि सेनेतच राहू, या संदेश लोकांपर्यंत पोहोचवा. शिवसैनिकांच्या मनातील गैरसमज दूर करा, अशा सूचना त्यांनी दिल्या आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : maharashtra political crisis eknath shinde and uddhav thackeray plans same strategy will organize rallies
Marathi News from Maharashtra Times, TIL Network
Marathi News from Maharashtra Times, TIL Network
